"...bütün dünya heyrətdədir"
3-10-2020, 12:52
“Azərbaycan xalqı tarixən də, indi də döyüşkən xalq olub, bu xalqın qeyrətinə qurban olum. Yenə də xalqım birlik nümayiş etdirdi”.
Bu sözləri Yenisabah.az-a açıqlamasında müğənni Səyyad Əlizadə deyib.
O, ordumuzun düzgün taktika seçdiyini bildirib:
“Prezidentimizin uzaqgörən siyasəti var, o, neçə illərdir deyir ki, danışıqlar baş tutmasa, biz müharibə yolu ilə torpaqlarımızı azad edəcəyik. Və Azərbaycan Ordusu bu gün öz rəşadəti, qəhrəmanlığı ilə seçilir. Bu gün onların seçdiyi döyüş taktikası o qədər düzgün, o qədər professionaldır ki, bütün dünya heyrətdədir. Çünki 30 ildir ki, onlar hazırlıqlıdırlar. Seçdikləri taktika o qədər düzgündür ki, az itki ilə çox böyük işlər görülür”.
Sənətçi 30 ildir danışıqların heç bir fayda vermədiyini vurğulayıb:
“O qədər böyük fəxr hissi keçirirəm ki... Bu gün biz başımızı dik tutub gəzə bilirik, çünki həqiqətən də qəhrəman xalqıq. İndi bəzi beynəlxalq təşkilatlar deyirlər ki, danışıqlar aparaq və s. Bəs 30 ildir siz hardaydınız?! 30 ildir biz deyirdik ki, danışıq aparaq, dinləmirdiniz. İndi ayılıblar ki, danışıqlar aparmaq lazımdır.
Xalqımızla, dövlətimiz və Prezidentimizlə fəxr edirəm. Mən rayondan təzə gəlmişəm, inanırsınız, orada yaşlı, cavan hamısı cəbhəyə can atır, kim nə bacarırsa, köməyini əsirgəmir. Hazırda çəkilişlərə görə Bakıdayam, amma iki-üç günə yenidən rayona qayıdacağam”.
Geri qayıt