"Sizlər bizim canı bir, qanı bir olan qardaşlarımızsınız"
9-10-2020, 08:32
Haqlı olaraq apardığımız Qarabağ savaşında qardaş ölkə Türkiyənin dəstəyini hər addımda görürük. Nəinki siyasətçilər, həmçinin sənətçiləri də paylaşımları, verdikləri müsahibələri ilə bizlərə dəstəyini əsirgəmir.
Məşhur türkiyəli aktrisa Aydan Şener də öz dəstəyini instagramdakı paylaşımı ilə bildirib. Aktrisa Moderator.az-a açıqlama verib:
"Bəli, bu müharibə başlayanda çox üzüldüm, çünki sizlər bizim canı bir, qanı bir olan qardaşlarımızsınız. Həqiqətən də bu belədir. Dəstəyimi səhifəmdə bildirdim. İnanın, nə qədər həmyerliniz bəyənmişdi bu postu. Zatən sizin ölkədə məni çox sevdiklərini bilirdim. Mən də Azərbaycanlıları sevirəm, sizlərləyik. Mən sizin ölkədə seriala çəkilmişəm, özümə qarşı böyük diqqət görmüşəm. İnşAllah ki, torpaqlarınızı düşmən tapdağından azad edərsiniz. Mən buna çox inanıram" deyə aktrisa bildirib.
Geri qayıt