"O insan söyüşün birini bir qəpikdən deyirsə, məcbur qalırsan"
8-02-2021, 11:58
"Bir çox restoranların işçiləri var. Onların qarşısında söyüş söyən olub. Heç vaxt kişiyə belə söyüşlə müraciət etmərəm. İradım varsa, kübarcasına bildirərəm. Söyüşdən yeddi qat pis təsir bağışlayar".
Lent.az xəbər verir ki, bu sözləri Xalq artisti Faiq Ağayev "ATV maqazin onlarla" proqramında deyib. Müğənni ad çəkmədən həmkarı Brilliant Dadaşova ilə aralarında yaşanan qalmaqaldan bəhs edib.
Faiq aparıcının "Həmkarlarınızdan biri deyib ki, onun əzizlərini, ailəsini təhqir etmisiz" sözlərinə belə reaksiya verib:
"O insan söyüşün birini bir qəpikdən deyirsə, məcbur qalırsan. Qadın ən tərbiyəsiz küçə adamı, kişi kimi söyüş söyürsə, məcbur qalıb cavab verirsən. O hadisə 1998-ci ildə 27 yaşımda olub. İndi 49 yaşım var, etməzdim. Tüpürüb gedərdim.
Küsülülüyün səbəbi o və qısqanclıq olub. Deyib ki, necə olur, mənim bütöv toyu apardığım qiymətə bu adam yarım saata gəlir. Ondan iki il əvvəl səhnədəyəm, necə ola bilər?".
Qeyd edək ki, B.Dadaşova dəfələrlə açıqlamasında F.Ağayevin onun valideynlərini təhqir etdiyini söyləyib.
Geri qayıt