Hər janrın müğənnisi Xəyyam Mustafazadə
Bu gün, 10:21
Azərbaycan Respublikasının Müdafiə Nazirliyinin Əlahiddə Nümunəvi Orkestrinin Baş Solisti, Azərbaycan Respublikasının əməkdar artisti müğənni Xəyyam Mustafazadə yeni mahnısını təqdim edib.
"DİA-AZ" xəbər verir ki, ifaçı “Çaxmağı çax” adlı ifasına çəkilən klipi yutubda yayımlayıb.
Ceyhun Kərimovun rejissorluğunda ekranlaşdırılan mahnının aranjımanı Vasif Adıgözəlova məxsusdur.
Xəyyam yeni layihəsi ilə bağlı təəssüratlarını bölüşüb:
“Dinləyicilər məni vətənpərvər mahnılar və klassik dünya musiqisi ilə tanısalar da, bu janr mənim yaradıcılığım üçün ilkdir. Əsas məqsədim 6-8 ritmli mahnını keyfiyyətli şəkildə təqdim etmək idi. Bu bizim damarımızda-qanımızda olan janrdır. Bu janrda yaxşı səslənmə, peşəkar müşayətlə ifa etmək olar. Azərbaycan musiqimizin sütunları olan Tofiq Quliyev, Ələkbər Tağıyev kimi ölməz sənətkarlar 6-8 ritmə müraciət ediblər. Bu ifamla dinləyicilər həm gözəl musiqi, həm də gözəl ritmlərlə əylənə bilərlər”.
Geri qayıt