Ağsuda 4 "muşektyor" kabusu: sakinlər üsyan həddində
27-01-2014, 10:35
Ağsu rayonunda ailə hakimiyyəti qurulduğu və onun başında da hazırda əmək və əhalinin sosial müdafiəsi naziri Səlim Müslümovla, icra başçısı olan dayısı Ənvər Meyidəliyevin dayandığı xeyli müddətdir mətbuatın müzakirə mövzusudur. JAM.AZ xəbər verir ki, əslində, rayonun bölüşdürülməsi prosesi çoxdan başa çatıb və bu zaman işin içindən iki fərqli ad da ortaya çıxıb.
Bu barədə JAM.AZ-a müraciət edən rayon sakinləri bildirirlər ki, faktiki olaraq Ağsu üç əsas məmur arasında bölüşdürülüb. Onlardan biri şübhəsiz icra başçısı Ənvər Seyidəliyevdir. İkinci əsas fiqur, bir zamanlar rayonun icra başçısı olmuş Əflatun Rufiyevdir ki, hazırda Prezident Admnistrasiyasında çalışır. Üçüncü şəxs isə Ağsu şəhər bələdiyyəsinin sədri Aqil Niftəliyevdir.
Rayonun dağıdılmasında müstəsna «xidmətləri» olanlar sırasında həmçinin Dövlət Torpaq və Xəritəçəkmə Komitəsinin sədri Qərib Məmmədov da var. Sakinlər deyirlər ki, bələdiyyə sədri Aqil Niftəliyev Ağsu şəhəri və ona bitişik Qaraməmmədli, Pirhəsənli, Ülgüclü və Navahı kəndləri də daxil olmaqla, 500 hektardan çox torpağı özünküləşdirib. O, hələ SSRİ-dən qalan bütün iaşə və ticarət obyektlərinin bəzilərini isə Əflatun Rufiyev İcra Başçısı olan zaman özəlləşdirib.
Məlumatda deyilir ki, bələdiyyə sədrinin işləri təkcə bununla kifayətlənmir. O, həmçinin Ağsu rayonunun Avtobazasının 5 hektar tikili və torpaq sahəsi ilə bərabər, 35 ədəd avtomobilini də zəbt edib. Eyni zamanda, keçmiş Rayon İcrayyə Komitəsinin bütün obyekt və sahələrini də ələ keçirməyi öacarıb. Şikayətçilər bildirirlər ki, Köhnə Avtovağzalı, Ovçular binasını, Xalçaçılıq binasını və sairə binalar da həmçinin keçmiş icra başçısının himayəsi altındadır.
Aqil Niftəliyevin həmçinin avtobazada avtomobil ehtiyat hissələri mağazası, «setka» sexi, avtoyuma, təmir, çayçı və sairə obyektləri fəaliyyət göstərir. Bundan əlavə, onun Kəndoba kəndində 200 hektar torpaq sahəsin, 2 balıq vətəgəsi, həm də möhtəşəm malikansəi də mövcuddur.
Bələdiyyə sədri bununla kifayətlənmir. O, rayondakı Çaxır Zavodunu da zəbt edərək, əlavə torpaq sahələrini də ora qatmaqla 1,5 milyon manat dəyərində və ölkədə bəlkə də analoqu olmayan "Tural Plaza"nı tikdiririb. Məlumatlarda o da vurulanır ki, Niftəliyev həmçinin Ağsu şəhərində köhnə İcra Hakimiyyətinin binasının yanında çayxana da açıb.ö Həmçinin Pirhəsənli yoluna gedən yolun sağ tərəfində, Avtobaza ilə üzbəüz 50 sot ərazini ələ keçirərək, onu bacısının qaynı Arzu Əliyevə verib.
Rayon sakinləri daha sonra qeyd edirlər ki, sözügedən şəxs qohum-əqrabalarına dövlət rüsumu ilə hektarlarla sahələr ayıraraq, hazırda onları bazar qiymətinə satır. Elə buna görədir ki, Aqil Niftəliyev rayonda dəyəri 45 min manat olan avtomobillə gəzir. Üstəlik deyir ki, 300 min manatlıq maşın sürmək haqqı var. Bu da azmış kimi onu da deyir ki, son dövrlər korrupsiya ilə mübarizə kampaniyadır və tezliklə başa çatacaq. Hətta prezidentə də dil uzadaraq, onun korrupsiyaya qarşı mübarizə ilə bağlı dediklərinin boş şey olduğunu vurğulayır.
JAM.AZ-a verilən məlumatlar da o da deyilir ki, bu böyük işlərdə bələdiyyə sədrinin əsas köməkçisi Dövlət Torpaq və Xəritəçəkmə Komitəsinin sədri Qərib Məmmədovdur. Bunun səbəbi isə Aqil Niftəliyevin bacısının əri Ağakişi Əliyev komitə sədrinin müavinidir. Elə Aqilin bələdiyyə sədri olmasında da bu şəxsin müstəsna xidmətləri olub.
Qeyd edək ki, Qərib Məmmədov həmçinin müavininin qardaşı Atakişi Əliyevi Ağsu VVAQ-ına müdir də təyin elətdirməyi bacarıb. Hərçənd Atakişi Əliyevin diplomu Təhsil Nazirliyində tanınmır. Amma buna baxmayaraq, onu belə bir posta gətirmək mümkünləşib.
Bildirilir ki, Ağakişi Əliyev Ağsu şəhərindəki mehmanxananı, mal bazarını və ətrafındakı torpaqları da ələ keçirməyi bacarıb. Atakişi Əliyev isə Navahı yolunun üstündəki 220 metr uzunluğunda böyük bir obyekt inşa etdirir. Həmin yer əvvələr çökəklik olduğundan ora minlərlə maşın torpaq gətirizdirilib.
Nəzərinizə çatdıraq ki, Qərib Məmmədov təkcə yaxınındakı adamlara yardımçı olmur. Həmçinin o, özünə də «gün ağlayır». Məsələn, Məmmədovun Ağsunun Rəhimağalı kəndində 200 hektar üzüm plantasiyası olduğu dəqiqdir. Atakişi Əliyev və Arzu Əliyev Qərib Məmmədovun himayəsi altında, həm də rayon Torpaq Şöbəsində işləyirlər. Əsasən torpaq satma ilə məşğul olan bu adamların satışa çıxardıqları ərazilərin qiyməti isə 500 manatdan 5000 manatadək dəyişir.
Ağsu əhli onu da bildirir ki, Aqil Niftəliyevin Çuxur Yurdda torpaqları, mənzilləri var. Ağsudakı evi isə əsl şah sarayıdır. Bakıdakı mənzillərinin isə sayını bilmirlər.
Bələdiyyə sədrinin həmçinin Ağsunun icra başçısı Ənvər Seyidəliyevlə də şərik olduğu deyilir. Belə ki, onun Bakıdakı Zərifə Əliyeva adina Göz Klinikasına gedən yolun üzərində inşa edilən 17 mərtəbəli binaya şərik olduğu deyilir. Bələdiyyə sədrinin şərikləri isə icra başçısı Seyidəliyev və nazir Səlim Müslümovdur.
P.S. Ağsuda 60 milyon manatlıq layihənin başına hansı oyunların açıldığı barədə sabah oxuya biləcəksiniz.
Geri qayıt