“Elegant Residence” MTK məhkəmə qərarını saymır
31-07-2023, 08:49
Bakının əsas mərkəzi hissələrində yaşayış binaları tikintisini həyata keçirən “Elegant Residence” Mənzil Tikinti-Kooperativi məhkəmə qərarlarını saya salmır. Belə ki, Nəsimi rayon Məhkəməsinin 27.07.2023-cu il tarixli məhkəmə qərardadına görə, “Elegant Residence” MTK-ya Sabit Rəhman küç ev 16z ünvanda yerləşən və sahəsi 182,6 kv.m-dən ibarət fərdi yaşayış evlərinə və sahəsi 0,01722 ha-dan ibarət torpaq sahəsinə bitişik ərazidə (ara məsafəsi gözlənilməklə) söküntü-qazintı işlərinin aparılması cavabdeh “Elegant Residence” MTK-ya qadağan edilib.
DİA.AZ AzToday.az-a istinadla xəbər verir ki, qərardad dərhal icra olunmalı olduğu halda MTK yenə söküntü-qazıntı işlərini davam etdirməkdədir.
Şikayətçi Fərhad Məmmədov bildirir ki, dünən, yəni 29 iyulda MTK qazıntı işləri aparıb:
“Ailəmə məxsus Sabit Rəhman küç, ev 16z ünvanda yerləşən xüsusi mülkiyyətdə olan torpaq sahəsində yerləşən evimə “Elegant Residence” MTK tərəfindən qəsd hərəkətləri baş vermişdir. Evimizin divarlarının xarici səthi soyulmuşdur və evin bəzi yerlərində çatlar əmələ gəlmişdir.
Bakı şəhəri Nəsimi rayonu Məhkəməsinin İş 16(006)227/2023 saylı Qərardadına əsasən bizim torpaq sahəsinə bitişik ərazidə söküntü-qazıntı işlərinin aparılması qadağan edilmişdir.
Əvvəlcədən qabaqlayıcı tədbir görmək üçün Fövqəlada Hallar Nazirliyinə müraciət etmişik. Ayrıca 29 iyul 2023 cü il tarixində Fövqəladə Hallar Nazirliyinin 112 qaynar xəttinə müraciət etsək də heç bir təbir görülməmişdir.
Məhkəmə qərarına məhəl qoymayaraq, 29 iyul 2023- cü il tarixində “Elegant Residence” MTK qazıntı işlərini davam etdirmişdir”.
Qeyd edək ki, şirkətlə bağlı məhkəməyə Məmmədov Rəfael Fərhad oğlu, Məmmədov Rövşən Rəfael oğlu, Məmmədova Ziveydə Məhəmməd qızı, Məmmədova Sevda Balaoğlan qızı müraciət edib.
Geri qayıt