“Elçibəyin düşüncələri İlham Əliyevin siyasətləri ilə tam fərqlidir”
30-05-2014, 11:25
DİA.AZ: - İrandakı fars-molla rejimi hər zaman Azərbaycan türkünün bütövlük hədəfindən qorxub və qorxacaq da. Bunu hətta İran-Azərbaycan siyasi münasibətlərinin indiki – qaydasında olduğu dönəmdə belə görmək mümkündür.
DİA.AZ bildirir ki, Tehran dövlətinin (onlar bizi “Bakı dövləti” adlandırırlar –red.) Azərbaycandakı səfiri Möhsin Pakayin özünün sonuncu mətbuat konfransında da əslində fars-molla rejiminin əndişəsini ortaya qoymuş oldu.
DİA.AZ «AranNews» portalına istinadən həmin mətbuat konfransından olan reportajın tam mətnini olduğu kimi təqdim edir:
«İranın Azərbaycandakı səfiri Bakıdakı az sayda olan irqçi bir qrupun fəaliyyətinə işarə edərək deyib: "Biz bu dəstənin fəaliyyətini tam izləyirik. Onların sayı 50 nəfərdən çox deyil. Onların fəaliyyətindən İranın milli təhlükəsizliyinə qarşı heç bir narahatlığımız yoxdur". Səfir əlavə edib: "Bu qrupun üzvləri elə də çox sayda deyil və siyasi baxımdan da elə bir təsirli fəaliyyətləri yoxdur. Lakin onlar ABŞ konqresindən maliyyə maddi və mənəvi dəstəyi ilə öz media mövqelərini artırmağa çalışırlar".
Möhsin Pakayin, Azərbaycan dövlətinin bu irqçi dəstəni dəstəkləməməsinə də toxunaraq deyib: "Bakı dövləti hətta, belə bir məsələnin bu ölkədə ortaya atılmasına də razı deyil".
M. Pakayin bu millətçi qrupun əsas söykənəcəyinin sabiq prezident Əbülfəz Elçibəyin təfəkkürləri ilə bağlı olmasını da vurğulayıb. Səfir artırıb: "Onun (Ə. Elçibəy) düşüncələri İlham Əliyevin siyasətləri ilə tam fərqlidir".
O, Azərbaycanda son dəfə keçirilən prezident seçkisinin millətçi qrupların təsirsiz olmasına bir nümunə olmasını da qeyd edərək vurğuladı: "Bu qrupdan iki nəfər nümayəndə seçkilərdə iştirak etməsinə baxmayaraq özlərinə səs toplaya bilmədilər".
Azərbaycan Respubllikasının dərslik kitablarında getmiş bəzi təhriflərin araşdırılması üçün iki ölkə arasında xüsusi komitənin yaradılmasını xəbər verən səfir deyib: "Bu komitənin iclası hələ keçirilməyib, amma onun keçirilməsinə və şübhələrin həll olunmasına çalışırıq".
Eurovision, İran və Azərbaycan münasibətlərində soyuqluq yaratdı
İranın Bakıdakı səfiri 2012-ci ildə Eurovision müsabiqəsinin keçirilməsini İran-Azərbaycan münasibətlərində yaranan soyuqluğun səbəbi adlandırıb. O deyib: "Son 20 ildə İran-Azərbaycan münasibətlərində eniş-yoxuşlar yaşanıb. Lakin son bir ildə siyasi və iqtisadi münasibətlərə müsbət və bəyənilən proseslər hakimdir. Ümid edirik ki, bu proses daha sürətlə davam edəcək".
"Mən iki ölkə əlaqələrin gələcək prespektivinin daha yaxşı səviyyədə olacağına inanıram, ona görə ki, Azərbaycan prezidenti cənab İlham Əliyevin İrana sonuncu səfəri iki ölkə arasıdna əməkdaşlığın inkişafı sahələrini daha əlverişli edib",- deyə Pakayin bildirib.
O, iki ölkə arasındakı güclü iqtisadi, siyasi və ticarət imkanlarına da toxunaraq deyib: "İkitərəfli əməkdaşlığın daha da artırılması üçün bu geniş imkanlardan yetərincə istifadə etmək lazımdır".
Azərbaycan tərəfindən viza rejiminin ləğvini hər iki ölkənin xarici işlər nazirliyinin ən öndə duran məsələlərindən adlandıran səfir deyib: "Azərbaycan tərəfi İran vətəndaşları üçün viza rejimini ləğv etməyə meyillidirlər. Lakin bəzi gömrük məsələləri və sərhəd strukturları bu mövzunun təxirə salınmasına səbəb olmuşdur".
İran İslam Respublikasının hədəfi Qarabağ münaqişəsini həll etməkdir
M. Pakayin, Dağlıq Qarabağ münaqişəsinin həll olunması İranın xarici siyasətinin əsas hədəflərindən biri olduğunu bildirib.
M.Pakayin deyib ki, heç şübhəsiz bölgənin təhlükəsizliyinin təmini İran üçün çox önəm daşıyır və elə buna görə çalışırıq Dağlıq Qarabağ münaqişəsi öz həllini tapsın.
"Bu münaqişə İranın Azərbaycan və Ermənistanla sərhədlərinin bir hissəsini əhatə edir. Azərbaycan və Ermənistan arasında qarşıdurma bu iki ölkənin xeyrinə deyil və əlbətdə İranında xeyrinə deyil", -deyə Pakayin bildirib.
O, əlavə edib ki, İran bəlli bir zaman çərçivəsində Qarabağ münaqişəsinin həlli üçün vasitəçilik edib.
"Lakin hazırda elə görsənir ki, münaqişə tərəfləri Qarabağ probleminin ATƏT-in Minsk qrupu çərçivəsində həllini istəyirlər. Minsk qrupu 20 ildir fəaliyyət göstərir, lakin münaqişənin həlli üçün heç bir addım atmayıb", -deyə Pakayin bildirib.
Pakayin deyib ki, ATƏT-in Minsk qrupuna üzv ölkələr Qarabağ münaqişəsinin həllində maraqlı deyil.
Bakı həbsxanalarında olan 35 İran vətəndaşı İrana təhvil veriləcək
İran və Azərbaycan arasında məhbusların mübadiləsi haqqında imzalanmış müqavilə əsasında tezliklə Azərbaycanda cəza çəkən daha 35 İran vətəndaşı ölkəmizə qaytarılacaq-deyə səfir bildirib.
O əlavə edib: "Bu il başlanandan bəri Azərbaycan həbsxanalarında cəza çəkən 4 nəfər İran vətəndaşı artıq İrana qaytarılıb".
Pakayin, Azərbaycanda həbs olunan İran vətəndaşlarının çoxunun narkotik maddələrlə bağlı olduğunu bildirərək deyib: "Ölkəmizin vətəndaşları getdiyi ölkənin qanunlarını bilmədikləri ucbatından belə həbslərə düşürlər". O, artırıb: "Ola bilsin ki, İranda bəzi dərmanları qəbul etmək qanun baxımından qadağan olmasın. Amma həmin dərmanların Azərbaycan Respublikasında qadağan olması mümkündür. Bu üzdən bəzi vətəndaşlarımız həbs və mühakimə olunurlar"».
Geri qayıt