“Putinin yoluna 50 bomba qoyulub”
18-11-2017, 10:04
Rusiya hüquq-mühafizə orqanlarına prezident Vladimir Putinin Sankt-Peterburqda kortejinin keçdiyi yolda 50 partlayıcı qurğunun yerləşdirilməsi barədə anonim zəng daxil olub.
AzVision.az-ın “RİA Novosti”yə istinadən verdiyi xəbərə görə, Dmitri Peskov jurnalistlərə bildirib ki, heç bir təhlükə təsdiqlənməyib və bu kimi məlumatlar prezidentin iş qrafikinə təsir etməyib.
“Təbii ki, təhlükəsizlik xidməti bu vəziyyətdə lazım olan hər şeyi edib. Xüsusilə, bu işlərin vətəndaşlar üçün diskomfort yaratmamasına diqqət yetirilib. Təbii ki, belə zənglər heç bir halda əvvəlcədən prezidentin planlaşdırılan qrafikinə təsir etməyir”.
Geri qayıt