ABŞ Fələstinə yardım üçün BMT-yə ayırdığı vəsaiti tam kəsmək niyyətindədir
31-08-2018, 09:40
Birləşmiş Ştatların Prezident Administrasiyası BMT-nin Yaxın Şərqdəki Fələstin Qaçqınlarına Kömək və Sosial İnkişaf Agentliyinin (UNRWA) maliyyələşdirilməsini tamamilə dayandırmağı planlaşdırır.
“Report” TASS-a istinadən xəbər verir ki, bu barədə mənbələrə istinadən "The Washington Post" nəşri yazıb.
Bildirilir ki, qərar yaxın bir neçə həftə ərzində elan olunacaq.
Nəşrin yazdığına görə, Donald Tramp Administrasiyası UNRWA-nın pul vəsaitlərinin necə xərcləməsi ilə razı olmadığını ifadə etmək, həmçinin fələstinlilərin əhəmiyyətli hissəsinin qaçqın statusundan məhrum edilməsinə çağırmaq niyyətindədir.
Qəzet yazır ki, hazırda 5 milyondan çox fələstinli qaçqın statusuna malikdir və ABŞ hökuməti bu rəqəmin 10 dəfədən çox azaldılmasını təklif etməyə hazırlaşır.
Geri qayıt