CNN Putini "Trampın gizli məsləhətçisi" adlandırıb
31-01-2019, 16:44
ABŞ prezidenti Donald Tramp Rusiya Dövlət Başçısı Vladimir Putinə "gizli məsləhətçisi" kimi baxır. Bu fikri ABŞ-ın "CNN" telekanalında analitiklər səsləndirib.
SalamNews "Gazeta.ru" saytına istinadən xəbər verir ki, CNN mütəxəssisləri 2018-ci ilin noyabrında Buenos-Ayresdə keçirilən G20 sammitində Putin və Trampın təktəbək görüşünü müzakirə edib. Bu barədə daha əvvəl "Financial Times" qəzeti öz mənbələrinə istinadən də yazmışdı.
Məlumatlara görə, görüşdə köməkçi, stenoqraf və tərcüməçi iştirak etməyib. Dialoq təxminən 15 dəqiqə davam edib. Həmin vaxt ərzində liderlər Suriyadakı vəziyyəti və Kerç boğazındakı insidenti müzakirə ediblər.
"Tramp bu vəziyyətdə Putinə milli təhlükəsizlik məsələləri üzrə gizli məsləhətçisi kimi baxır. Onunla təkbətək daha çox vaxt keçirir və onunla "həssas" mövzularda danışıqlar aparır, ondan məlumat alır, Rusiya hökumətinə məlumat verir", analitiklər bildirib.
Geri qayıt