Həsən Ruhani: ABŞ-ın İrana təzyiq siyasəti uğursuz oldu
17-02-2020, 10:38
ABŞ-ın İrana maksimum təzyiq göstərmək siyasəti artıq uğursuz oldu və bütün iqtisadi göstəricilər sübut edir ki, ölkə bu siyasətin ən pis mərhələsini keçdi.
SalamNews PressTV-yə istinadla xəbər verir ki, bunu İran prezidenti Həsən Ruhani Tehranda yerli və beynəlxalq mətbuatın iştirakı ilə keçirilən mətbuat konfransında bəyan edib.
Onun sözlərinə görə, bütün iqtisadi göstəricilər İranın ABŞ-ın təzyiq siyasətinin ən pis mərhələsini keçdiyini göstərir:
"Amerikalılar İranla danışıqlar üçün seçdikləri yolun səhv strategiyaya əsaslandığı nəticəsinə gəldilər. ABŞ, maksimum təzyiqdən istifadə edərək bizi danışıqlar masasına oturtmaq niyyətində idi. ABŞ-ın sanksiyaları İran xalqı üçün ciddi problemlər yaratsa da, onların gündəlik həyatına təsir etsə də öz bəhrəsini vermədi, ölkənin düşmənləri üçün faydalı olmadı".
Geri qayıt