Merkel Aİ sammitinin nəticəsindən məmnun qaldığını bildirdi
21-07-2020, 08:50
Avropa İttifaqı (Aİ) büdcə və bərpa fondu üzrə razılığa gəldiyi sammitdə "qeyri-adi yollarla" getmək və güzəşt etmək bacarığını göstərdi.
Trend-in "TASS"a istinadən verdiyi məlumata görə, bunu sammitin yekunları üzrə mətbuat konfransında Almaniyanın kansleri Angela Merkel deyib.
A.Merkel bildirib: "Biz yaxşı nəticəyə gəldik. Bu, Avropadan kənar üçün yaxşı bir siqnaldır".
Qeyd edək ki, Aİ-nin yeddi illik büdcə planının son kompromis versiyası 1,074 trilyon avro təşkil edir, büdcədənkənar iqtisadiyyatın koronavirus pandemiyasından sonra bərpası fondunun həcmi isə 750 milyard avro səviyyəsində qalıb.
Geri qayıt