3 milyon manatı mənimsəyən rektorun “ səxavəti”
7-12-2015, 09:13
DİA.AZ: - “dia-az.site saytında oxuduğum “3 milyonluq yeyintinin altından çıxan rektorun 3 katibəsi var imiş ...” başlıqlı yazı “ürəyimdən tikan çıxardı” və yazı müəllifinin qeyd etdiyi faktların heç birinin doğruluğuna irad tuta bilmədim. Çünki, bu faktlar Azərbaycan Texnologiya Universitetinin hər bir əməkdaşına məlumdur”. Bu sözlər DİA.AZ-a daxil olan ATU ilə bağlı növbəti məqalədə yer alıb.
Məqalə müəllifi dia-az.site-a daha sonra yazır: “Bütün bu dağıdıcılıq fəaliyyətini hələ də (haqqında mənimsəmə maddəsilə cinayət işi qaldırılmasına baxmayaraq) Azərbaycan Texnologiya Universitetinin rektoru olan Akif Süleymanovun təkbaşına etdiyini düşünmək sadəlövhlük olardı. Bu işlərdə ona yaxın köməkçiləri oğlu Şamil Süleymanov və onun universitetin rəhbər vəzifələrinə təyin etdirdiyi şəxslər- tədris işləri üzrə prorektor Vüqar İsmayılov, elm və texnika üzrə prorektor Səbuhi Yusifov, tədris şöbəsinin müdiri Piri Axundov, təlim-tərbiyə işləri üzrə koordinator Rauf Əmənov,insan resursları şöbəsinin müdiri Nofəl Salmanov , heç bir elmi dərəcəsinin olmamasına baxmayaraq “İqtisadiyyat və idarəetmə” fakultəsinin dekanı təyin olunmuş Nicat Nəsirli və digərləri – yardımçı olmuşlar.
Universitetin tədris işləri üzrə prorektoru Vüqar İsmayılov tədrisin təşkilinə və keyfiyyətinə birbaşa məsul olduğu halda tədrisdən başqa bütün işlərə məşğul olur. Özünündə fəxrlədediyinə görədə, Akif Süleymanov bütün rektor səlahiyyətlərini ona verib və bu səbəbdən də tədrislə məşğul olmağa vaxt tapa bilmir. Rektor səlahiyyətləri Akif Süleymanovun şəxsi mülküdür ki, onu kiməsə versin və ya bağışlasın? Prezident tərəfindən rektor səlahiyyəti Akif Süleymanova həvalə edilib yoxsa Şamil Süleymanov-Vüqar İsmayılov duetinə?
Ən vacib məqamlardan biri də odur ki, universitetdə baş verən bu işlərin hamısını Akif Süleymanov və Vüqar İsmayılov Təhsil Naziri cənab Mikayıl Cabbarovun adı ilə bağlayırlar. Hətta, Vüqar İsmayılov dəfələrlə çox fəxarət hissiylə qeyd edibki, cənab nazir məni prorektor təyin edərkən alnımdan öpüb kövrəldi və əllərini kürəyimə vurub, arxandayam get işlə, sənə heç kəs heçnə deyə bilməz dedi.
Hazırda Vüqar müəllim Şamil Süleymanovun universitetə satdığı (təbii ki, dəyərindən üçqat baha qiymətə) mebelləri, partaları, kompüterləri (hərçənd ki universitetdəbu avadanlıqlar kifayət qədər mövcuddur) yerləşdirməklə məşğuldur. Universitetdə mövcud olan bütün kompüterlərin fibrooptik kabel vasitəsilə internetə qoşulmasına baxmayaraq Şamil Süleymanov və Vüqar İsmayılov “universitetdə 250000 (iki yüz əlli min) manata kompüter şəbəkəsi” yaratmaq fikrinə düşüblər(mütəxəssislərin fikrincə belə şəbəkənin dəyəri 50000 (əlli min) manatdan artıq deyil).V.İsmayılovun rəhbərliyi ilə yeni tikilən (45000 manata) tualet istifadəyə verilənədək yəqinki (37000 manata) təmir olunmuş tualet artıq əvvəlki vəziyyətinə düşəcək (təmir işinin keyfiyyəti bunu sübut edir).Bütün bunlar “süleymanovçular” tərəfindən universitet büdcəsinin talanmasının davamı deyilmi?
Görəsən Azərbaycanda olan universitetlərin hansında təlim-tərbiyə işləri üzrə prorektor vəzifəsi ilə paralel olaraq “təlim-tərbiyə işləri üzrə koordinator” vəzifəsidə mövcuddurmu? Ən maraqlı məqamlardan biridə odurki, bu vəzifəni tutan Rauf Əmənovun əlavə əmək haqqı cədvəlində vəzifəsi “müştərilərlə iş üzrə mütəxəssis” kimi qeyd olunub.
İnsan resursları şöbəsinin rəisi Nofəl Salmanov isə, vəzifədən çıxarılmış şəxslərinuniversitetə buraxılmaması barədə “mühafizə” xidmətinin rəisinə rəsmi göstəriş imzalayıb. Görəsən Azərbaycan Texnologiya Universitetinin ərazisi Azərbaycan ərazisi deyilmi? Universitetin ərazisi Pensilvaniyadırki, ora daxil olmaq üçün Şamil Süleymanovdan və ya Vüqar İsmayılovdan viza alınması tələb olunsun?”
Məqalə müəllifi daha sonra dia-az.site-a yazır: “Yuxarıda adları qeyd olunan və olunmayan “süleymanovçuların” heç birinin ixtisasının universitetin profilinə uyğun olmamasına (sosiologiya, politologiya, coğrafiya və s), bu ixtisaslara uyğun fənlərin universitetdə tədrisi olmamasına, vəzifə maaşlarından əlavə 2000-3000man. almalarına baxmayaraq onlar müxtəlif kafedralarda 0,5 ştat vahidi müəllim kimidə əmək haqqı alırlar və bir dəfədə olsun auditoriyaya müəllim kimi girməyiblər (“başları çox qarışıqdır” vaxt tapa bilmirlər).Amma burada təsəlliverici hal odurki, onların əvəzinə auditoriyaya müəllim kimi bu fənləri onlardan daha yaxşı bilən laborantlar girir. Heçdə təsadüfi deyilki, fakultə dekanı elmi dərəcəsi və heç bircə saatda olsun auditoriya təcrübəsi olmayan,lakin dekanlıqla bərabər kafedrada baş müəllim vəzifəsinidə tutan biri (Nicat Nəsirli) olduğu üçün elmi işlər üzrə dekan müavini vəzifəsinədə laborant təyin edilib. Standartlaşdırma və texnoloji maşınlar fakultəsində isə tədris işləri üzrə dekan müavini vəzifəsinə Qafqaz Universitetinin bakalvr pilləsini bitirmiş laborant təyin edilib.
Bütün bu işlər fonunda tədrisin keyfiyyəti tamam kölgədə qalıb. Amma, “süleymanovçular” təhsil nazirliyinin və valideynlərin gözlərinə kül üfürərək tədrisdə irəliyə sıçrayış olduğunu göstərmək üçün hər fənnə dair primitiv tərtib olunmuş 150-200 test suallarının cavabları ilə birlikdə tələbələrə paylanmasına göstəriş veriblər. Görəsən bu göstərişidə “süleymanovçular”-a təhsil nazirliyindəki himayədarları veriblər?
Amma insaf naminə qeyd etmək lazımdırki Akif Süleymanov “səxavətli” bir müəssisə rəhbəridir. A.Süleymanov ona qulluq göstərən hər bir əlaltısını mənimsədiyi 3 milyon manatdan olmasada, universitetin büdcəsindən lazımınca mükafatlandırır. Beləki, dekan seçkilərini saxtalaşdırmaqda müstəsna xidmətləri olmuş Rəfael Maşanov ( qohumu və məsləhətçisi), Mətanət Əhmədova (elmi katib və Maşanovun bacısı qızı), Qalibə Məmmədova (elmi hissə müdiri,komissiya üzvü), Ələmdar Əlbəndov (komissiya sədri), Əhəd Nəbiyev (komissiyanın sədr müavini), Elşad Məmmədov (komissiya üzvü),Nüşabə Hacıyeva (komissiya üzvü), Nazim Vəliyev (müdiri olduğu kafedrada seçkini saxtalaşdırdığına görə), Tahir Abbasov (hesablama komissiyasının sədri, səslərin hesablanmasında saxtakarlığına görə), Tofiq Qocayev (müdiri olduğu kafedrada seçkini saxtalaşdırdığına görə) və s. tutduqları vəzifələrin (əksəriyyəti 2,0 ştat) maaşlarından başqa ayda 250-300 manat əlavə əmək haqqı ilə mükafatlandırıblar.
“Süleymanovçuların” bu gün universitetdə yaratdıqları ayrıseçkiliyi görəndə uşaq vaxtlarımızda Sovet filmlərinə baxarkən verdiyimiz sual -bu bizimkilərdəndir, yoxsa “ağlardan”?-yadıma düşür. Onlar kollektivi iki hissəyə bölüblər-bizimkilər və müxalifət.Bu yerdə tədris şöbəsinin müdiri Piri Axundovun “bizimkiləri” və “müxalifəti” ayırdetmə metodunu xatırladım. O, gündə keçirdikləri toplantılardan birində kafedra müdirlərinə “ yeni inşa etdiyimiz möhtəşəm tualetin (47000manata) tikintisinə baxmısınızmı?” deyə müraciət etdi və iştirakçıların bir neçəsi bəli, digərləri isə xeyr deyə cavab verdi. Cavabları eşidən Piri Axundov qeyd etdiki, bu tikintiyə baxmayanlar bizimkilərdən deyil. Amma, insafən desək çox “orijinal” seçim üsuludur.
Hazırda Şamil Süleymanov və Vüqar İsmayılovun həyata keçirmək istədiyi daha bir haqsızlıq kompaniyası universitet kollektivini narahat etməkdədir. Bu isə laborant-texniki heyətin sıralarından 70-80 nəfərin ixtisarlı ilə bağlıdır. Bu idarəçilik “korifeyləri” ixtisarları universitetin maliyyə vəsaitlərinə qənaət məqsədilə keçirdiklərini söyləyirlər.Axı sağa-sola səpələdikləri pulların yerini “doldurmaq “ lazımdır. Bəlkədə bu məsələdə onları “qınamaq” olmaz. Ancaq onlara riyazi biliklərinin az olmasını nəzərə alaraq adi birinci sinif məsələsinin həllində kömək etmək yerinə düşərdi:
Məsələ: 70 nəfər laborantı ixtisar etməmək üçün nə etmək lazımdır?
Verilir:1)70 nəfər laborantın birlikdə aylıq vəzifə maaşı – 9000 man;
2) Süleymanov komandasının bir üzvünün aylıq maaşı -3000man.
Məsələnin həlli.
1) 70nəfər laborantı işdə saxlamaq üçün Süleymanov komandasının neçə üzvünü ixtisar etmək lazımdır?
9000:3000=3nəfər
Cavab: Ailəsinə ayda 125man. qazanc aparan 70nəfər laborantın ailəsini çörəksiz qoymamaq üçün Süleymanov komandasının 3 üzvünü ixtisar etmək lazımdır.
Zənnimcə “əziz” Süleymanovçular bir riyaziyyat müəllimi olaraq sizin üçün həlli çətin olan bu məsələnin həllinə verdiyim izahı qavraya bildiniz.
Tərkibi əsasən qadınlardan ibarət olan laborant-texniki heyəti narahat edən odurki, Şamil Süleymanov deyibki, işçilərin attestasiyasını şəxsən özüm aparacam və yəqinki ixtisaretmə prosesidə “Piri Axundov” üsulu ilə həyata keçiriləcəkdir.
Doğrudur, bolşeviklərdə matrosu bank müsiri təyin etmişdilər.Ancaq o matrosların savadı olmasada əqidələri və bolşevizmə inamları təmiz idi. Yəqinki “süleymanovçularında” müəyyən “əqidə” və “inamları” var, ancaq bu əqidə və inamın dürüstlüyünə şübhə var”.
Bütün bu iddia olunanlarla bağlı dia-az.site olaraq qarşı tərəfi də dinləməyə hazırıq...
Geri qayıt