““Vətən müharibəsi qəhrəmanı” adı öncə Prezidentə verilməlidir”
3-12-2020, 08:09
Azərbaycanda yeni medallar və ordenlər təsis edilib. Prezident İlham Əliyev buan dair fərman imzalayıb. Qanuna əsasən, "Vətən Müharibəsində qələbə münasibətilə” “Zəfər” və “Qarabağ” ordenləri , eyni zamanda “Vətən Müharibəsi Qəhrəmanı”, “Cəsur döyüşçü”, “Döyüşdə fərqlənməyə görə”, həmçinin işğaldan azad edilən rayonların adları ilə bağlı medallar təsis olunub.
Yeni orden və medallarla bağlı “Sherg.az”a danışan millət vəkili, xalq şairi Sabir Rüstəmxanlı həmin fərmanın vacibliyindən söz açıb:
“Qarabağ müharibəsindən sonra “Vətən müharibəsi qəhrəmanı” adının təsis olunması mühüm məsələdir. Hesab edirəm ki, bu ad birinci Azərbaycan Prezidenti, müharibəni qələbə ilə tamamlayan ordunun Ali Baş Komandanı İlham Əliyevə verilməlidir.
Sonra yüksək statuslu “Zəfər” və “Qarabağ” ordenləri təsis olunub. Onlar da son dərəcə vacibdir.
Şübhəsiz ki, “Zəfər” müharibənin qazanılmasında ciddi əməyi olan hərbçilərə, ümumiyyətlə Azərbaycanın dövlət müstəqiliyyinin qorunması və inkişafında işlər görmüş, uğur qazanmış adamlara veriləcək. “Qarabağ” ordeni də adından məlum olduğu kimi Qarabağla bağlıdır. Böyük statusu var. Bir də müxtəlif medallar təsis olunub.
Onlar da işğaldan azad olunan rayonlarımızın adları ilə bağlıdır. Bütün bunlar da çox gözəldir. Hesab edirəm ki, böyük qələbədən sonra ordumuzda şücaət göstərmiş zabitlərimiz, komandirlərimiz, əsgərlərimiz var. Onların təltif olunması vacibdir və heç kim unudulmamalıdır.
Hamının xidməti nəzərə alınmalıdır”.
Geri qayıt