"Qərbin elan etdiyi dəyərlər müşahidə olunan ikili standartlara uyğun gəlmir"
18-04-2023, 00:15
"Qərb siyasətçilərinin və ideoloqlarının sevimli mövzusu dəyərlərə müraciət, onların siyasətdə prioritetinin təsdiqidir. Bununla belə, praktikada elan edilmiş dəyərlər müşahidə olunan ikili standartlara uyğun gəlmir”.
DİA.AZ bildirir ki, bunu Reyting.az-a Milli Məclisin deputatı, politoloq Rasim Musabəyov deyib.
R. Musabəyov bildirib ki, Azərbaycan buna ATƏT-in Minsk qrupu həmsədrlərinin ikitərəfli vasitəçilik missiyasının nümunəsi ilə əmin olub:
"Azərbaycanın suverenliyi və ərazi bütövlüyü Təhlükəsizlik Şurasının və BMT Baş Assambleyasının qətnamələrinə tam uyğun olaraq, vasitəçilərin kompromis çağırışları ilə deyil, rəşadətli ordumuz tərəfindən təmin edilib. Bu da faktiki olaraq əksər tərəfləri qane edirdi. Beləliklə, bəzən dəyərlərdən danışmaq olar. Eyni zamanda müdafiə qabiliyyətini yüksəltmək, ixracı və valyuta ehtiyatlarını artırmaq, diplomatik əlaqələri inkişaf etdirmək və beynəlxalq siyasətdə rol oynamaq mümkündür. Azərbaycan bunu müxtəlif dərəcədə effektivliklə edir".
Deputat sonda əlavə edib ki, tanınmış amerikalı geosiyasətçi və publisist Robert Kaplan qeyd edirdi ki, xarici siyasətdə maraqlar dəyərlərdən üstündür və diplomatiya gücün əvəzedicisinə çevrilə bilməz, əksinə, onu tamamlamalıdır.
Geri qayıt