"Mingəçevirlilər mənim fəaliyyətimə nə qiymət verirlər, bunu 1 sentyabrda biləcəyik..."
21-08-2024, 08:22
Dia-az.İnfo deputatlığa namizədlərlə oxucular arasında körpü olmağa davam edir. Bu dəfəki müsahibimiz 54 saylı Mingəçevir seçki dairəsindən hakim Yeni Azərbaycan Partiyasının deputatlığa namizədi Aydın Mirzəzadədir...
- Aydın müəllim, məlumdur ki, bu seçkilər növbədənkənar idi... Təkcə siyasi təşkilatlar, ictimaiyyət üçün yox... həm də namizədlər üçün bir növbə sıradankənar bir seçkini yaşayır... Necədir? Çətinliyiniz varmı? Hazır idinizmi? Və ümumiyyətlə, gözləyirdinizmi, təkrarən sizə mənsubu olduğunuz partiyanın ali rəhbərliyi tərəfindən etimad göstəriləcək?
- Növbədənkənar parlament seçkilərinin keçirilməsi gözlənilən idi. Azərbaycan dünyada çox böyük bir tədbir sayılan COP-29 konfransını noyabr ayında keçirməli idi. Yüz mindən çox qonaq gələcək. Yüzdən çox ölkənin dövlət və hökümət başçıları təmsil olunacaq və eyni zamanda Azərbaycan dövlətçiliyində xüsusi yeri olan parlament seçkiləri də noyabrda keçirilməli idi. Buna görə də növbədənkənar seçkilərin keçirilməsi artıq siyasi qlolarda müzakirə edilən məsələlərdən idi. Seçkilərə hazırlıq həm siyasi partiya üçün, o cümlədən, müstəqil fəaliyyət göstərən siyasətçilər üçün bir imtahandır. Seçkiyə həmişə hazır olmaq lazımdır. Bir seçkinin yekunlaşması artıq növbəti seçkiyə hazırlıq deməkdir. Üzvü olduğum Yeni Azərbaycan Partiyası 2020-ci ildə keçirilən növbədənkənar parlament seçkilərindın sonra çox ciddi surətdə 2024-cü ildə keçiriləcək parlament seçkilərinə hazırlaşırdı. YAP birlik, əqidənin bir yerdə olduğunu, özümüzün yox, partiyanın qələbə çalmasını vacib edən insanlar birliyidir və növbəti seçkilərdə kimlərin namizədliyi irəli sürüləcək partiya rəhbərliyi tərəfindən araşdırılaraq qərar verilir. Şübhəsiz ki, 6-cı çağırışda YAP-dan olan deputatların fəallığı, onların seçicilərlə işi, novatorluğu, Azərbaycan dövlətçiliyinin təbliği, milli maraqların qoruması və fəaliyyəti də nəzərə alınır və idarə heyyəti uzun müzakirələrdən və hazırlıqdan sonra hər kəsin tanış olduğu siyahını təqdim etdi. Bu, mənim üçün bir etimaddır. YAP-n seçkilərdə mənə göstərdiyi seçkilərdə bir sınaq imtahanıdır. Mən Mingəçevirdə doğulmuşam, Mingəçevirdə fəaliyyət göstərmişəm və hal-hazırda Mingəçevirin parlamentdə nümayəndəsiyəm. Baxımdan mən ilk növbədə seçicilər qarşısında hesabat verirəm. 4 il ərzində seçicilərlə sıx təmasda olmuşam, vaxtaşırı qəbul keçirtmişəm. Həm ümümşəhər, həm də ayrı-ayrı mingəçevirlinin problemlərinin həllində bacardığım qədər kömək göstərməyə çalışmışam. Necə fəaliyyət göstərmişəm, mingəçevirlilər mənim fəaliyyətimə nə qiymət verirlər, bunu 1 sentyabrda biləcəyik.
- Siz Mingəçevir seçicisi üçün yad birisi deyilsiniz... Ona görə yox ki, Mingəçevir sizə doğmadır... Həm də yetərincə müddətdir ki, Mingəçeviri təmsil edirsiniz... Bu dəfə necə: Sizə doğma olan bu şəhərə daha necə faydalı ola bilərsiniz?
- Əlbəttə ki, hər dövr yeni horizontlar ortaya qoyur. Hər dövr yeni problemlər ortaya çıxarır. Bu, əvvəlki dövrün gedişatı ilə bağlıdır. Eyni zamanda, dövlətin, ümumilikdə bəşəsiyyətin yeni məsələlərə yanaşması deməkdir. Mən indiyə qədər göstərdiyim fəaliyyət formasında yenə də fəaliyyət göstərəcəyəm. Yenə də seçicilərə açıq olacam, yenə də istənilən seçici mənim mobil telefonuma zəng edərək öz problemini deyə biləcək. Mingəçevirdə mənim köməkçim var. Vətən müharibəsində qazilik qazanmış ehtiyatda olan mayor Pərviz Məmmədov. Onun vasitəsiylə gündəlik seçiçilərin arzularını, bu və ya digər məsələyə dair mənim yardımım məsələlərini müzakirə edirik. Və Mingəçevir üçün əlbəttə ki, mənim nəzərdə tutduğum məsələlər var. Bu yeni iş yerlərinin yaradılmasıdır, Mingəçevirə investisiyaların cəlb edilməsidir, regionlarda sahibkarın vergi yükünün azaldılması üçün daha əlverişli şəraitin yaradılmasıdı. Eyni zamanda çalışdığım və bu fəaliyyət seçilərəmsə, yenidən davam edəcək. Mingəçevirdə sosial evlər tikilməsidir. Keçmiş Mingəçevir Toxuçuluq kombinasının yataqxanaları məsələsi məni ciddi narahat edir. Mən bir neçə dəfə parlamentdə bu məsələni qaldırmışam və hesab edirəm ki, hökümətin 12-yə qədər yataqxana üçün xüsusi proqramı olmalıdır. Orada yaşayanların sərfəli qiymətlə sosial evlər əldə etməsi və boşalan ərazidə isə artıq sahibkarlar öz binalarını tikə bilərlər, məktəb, uşaq baxçası tikilə və eyni zamanda parklar salına bilər. Bu işin üzərində işləyirik və hər halda bunun həllinə çalışacağıq.
- Məlumdur ki, bu seçkilər ərəfəsində bəzi Qərb dairələri ölkəmizə qarşı az qala düşmən mövqeyindən münasibət bəslədilər və hazırki seçki prosesini də şübhəyə almaqdadırlar... Həm də bir siyasət adamı olan Aydın Mirzazadə necə düşünür: 1 sentyabrdan sonra ölkəmiz üçün çətin olmayacaq ki?
- Müstəqillik heç də asan, hamar yolla getmək demək deyil. Müstəqilliyimizi bərpa etdiyimiz 1991-ci ildən indiyə qədər Azərbaycan Beynəlxalq birlikdə müəyyən təzyiqlərə məruz qalır və ya təhdidlər görür. Xaricdə müəyyən dairələr Azərbaycanın müstəqillik siyasətini heç də təqdir etmirlər, müəyyən problemlər yaratmağa çalışırlar. Və seçkilərdən sonra həmişə müəyyən dairələr Azərbaycanasiyasi təzyiq göstərməyə çalışırlar. Amma onlar bilməlidirlər ki, demokratik, şəffaf, rəqabətli seçki ilk növbədə Azərbaycanın özünə lazımdır. Bu Azərbaycan cəmiyyətinin istəyidir. Indiki hakimiyyətin, cənab Prezidentimizin bu istiqamətdə daima fəaliyyət göstərməsidir. Seçkilərin nəticəsi Azərbaycan üçün lazımdır. Bu baxımdan xaricdən Azərbaycana siyasi təzyiq heç vaxt razı ola bilmərik və eyni zamanda demokratik dəyərlər hər seçkidən-seçkiyə Azərbaycan cəmiyyətində özünə daha güclü yer tutacaqdır. 1 sentyabrdakı seçkilərdə istisna deyil.
- Aydın Mirzəzadə yenidən deputat seçilərsə... sıravı Mingəçevir sakini bundan nə qazanacaq?
- Mən Mingəçeviri tanıyıram, Mingəçevir də məni tanıyır. Mən Mingəçevir seçiciləri üçün həmişə açıq bir adamam. Hər problemini bilirəm, o problemlərin həlli üçün təşəbbüslər göstərirəm. Görüşlərdə bu barədə mən seçicilərimə hesabat verirəm. Yenidən etimad göstərilərəmsə, yenə də hər bir seçici üçün əlçatan olacam. Yenə də Mingəçevirin problemlərinin həllini hökümət orqanları qarşısında qaldıracam. Hər bir kəsin probleminin həll edilməsinə səy göstərəcəm və eyni zamanda parlament Azərbaycan dövlətçiliyinin qorunmasında, möhkəmlənməsində rol oynayan dövlət orqanıdır. Bu baxımdan parlament üzvü kimi Azərbaycanın milli maraqlarının qorunması, Azərbaycan dövlətiçiliyinin möhkəmlənməsinə öz töfhə verməyə çalışacam.
- Aydın Mirzəzadənin mənsubu olduğu partiya bu seçkilərdə qazanarsa, sıravi Azərbaycan vətəndaşı bundan necə faydalanacaq?..
- YAP 1993-cü il Prezident seçkisindən və 1995-ci il parlament seçkisindən bəri hakim partiyadır. Baxmayaraq hakim partiyadır amma YAP heç zaman özünü digər siyasi partiyalardan fərqli aparmayıb. Konstitusiya və qanun çərçivəsində fəaliyyət göstərmişik. Hər seçkidə parlamentdə daha çox səs toplamağa çalışmışıq. Biz 125 nəfər seçki dairəsindən namizəd irəli sürməklə parlamentin işgüzar, xalqa daha yaxın, dövlətçiliyimizin qorunmasında rolunun böyük olmasına çalışırıq. YAP Milli Məclisdə çoxluq qazanmaqla cənab Prezidentinin milli maraqlarımıza cavab verən siyasi xəttini daima dəstəkləyəcəyik. Cəmiyyəti maraqlandıran problemlər ortaya qoyacağıq. Hökümətlə birgə işləyəcəyik. Həm dövlətimizin güclənməsi, həm də ayrı-ayrı regionlarımızın problemlərinin həll edilməsi həmişə diqqətimizdə olacaqdır.
Geri qayıt