Qərb ümid etməsin: Ukrayna bufer-zona olmayacaq
27-10-2024, 10:20
Ukrayna yaxın bir neçə il ərzində ya NATO-ya qoşulacaq, ya da nə qədər qəribə səslənsə də, Rusiya ilə münasibətlərin qurulmasına qayıdacaq.
Axar.az xəbər verir ki, bunu ukraynalı diplomat Valeri Çalıy deyib.
O bildirib ki, Ukraynaya münasibətdə Qərb strateqləri və analitikləri yanlış yanaşma sərgiləyirlər:
“Onlar hesab edirlər ki, əgər Ukrayna yaxın illərdə NATO üzvü olmasa, o zaman Alyansla Rusiya Federasiyası arasında yenə də bufer-zona olaraq qalacaq. Ancaq bufer-zona həmişə qeyri-sabitdir. Məsələn, Belarusu indi NATO ölkələri üçün bufer-zona adlandırmaq olmaz”.
O, həmçinin qeyd edib ki, NATO və AB-yə inteqrasiya prosesi də “geri dönə” bilir:
“Necə ki, Gürcüstan hazırda Rusiyaya doğru qayıdır – baxmayaraq ki, 2008-ci il müharibəsi olmuşdu. Ona görə də Ukrayna ya NATO üzvü olacaq, ya da üzünü Rusiyaya çevirəcək. Yəni bir çox obyektiv səbəbə görə, Ukrayna artıq bufer-zona olmayacaq”.
Geri qayıt