Zurabişvili özünü İŞƏ SALIB: Prokurorluğa getməsə...
Bu gün, 17:53
Gürcüstan prezidenti Salome Zurabişvili parlament seçkilərinin mümkün saxtalaşdırılması ilə bağlı prokurorluqda dindirilmək üçün gəlməsə, bu, ittihamların saxtalığına sübut kimi qəbul ediləcək.
Publika.az xəbər verir ki, bu bəyanatla çərşənbə günü, oktyabrın 30-da respublikanın baş naziri İrakli Kobaxidze çıxış edib.
"Eyni şey digər müxalifətçilərə də aiddir", - deyə siyasətçi vurğulayıb.
Xatırladaq ki, Gürcüstan prokurorluğu prezident Salome Zurabişvilini oktyabrın 26-da keçirilən parlament seçkiləri zamanı saxtakarlıqla bağlı verdiyi ifadələrə görə dindirməyə çağırıb. Proses bu il oktyabrın 31-nə planlaşdırılıb.
İdarə rəsmi açıqlamasında bildirib ki, dövlət başçısının “mümkün saxtakarlığa dair sübutları olmalıdır” və buna görə də o, dindirilməyə çağırılır.
Xatırladaq ki, parlament seçkilərinin nəticələrinə görə, hakim “Gürcü arzusu – Demokratik Gürcüstan” partiyası 53,93 faiz səs toplayaraq qalib gəlib.
Seçkilərdən sonra respublikanın rəhbəri Salome Zurabişvili seçkinin nəticələrini tanımadığını bəyan edib və Tbilisinin mərkəzində etiraz aksiyaları keçirməyə çağırıb. Öz növbəsində Gürcüstan parlamentinin spikeri onu iğtişaşların təşkilində ittiham edib.
Geri qayıt