Xaricdən 9 manat gətirilən qara çay marketlərdə neçəyə satılır?
Bu gün, 15:41
Bu ilin ilk 8 ayında Azərbaycan xaricdən ümumi dəyəri 49 milyon 237,4 min dollar olan 9 min 555,9 ton qara çay idxal edib.
Yeniavaz.com-un açıqlanan rəsmi məlumatlara istinadən apardığı hesablama göstərir ki, xaricdən gətirilən qara çayın 1 kiloqramının orta gömrük dəyəri 5,2 dollar (8,8 manat) olub.
Məlumat üçün bildirək ki, xaricdən idxal olunan qara çayın ölkənin aparıcı supermarketlərindəki pərakəndə satış qiyməti gömrük dəyərindən təxminən 3 dəfə yüksəkdir.
Açıqlanan rəsmi məlumata görə marketlərdə satılan çayın 1 kiloqramının orta satış qiyməti 25 manatdan bahadır.
Qeyd edək ki, hazırda “Bravo”, “Araz” və “Neptun” kimi aparıcı supermarketlərində idxal olunan və yerli istehsal olan bəzi qara çayların satış qiyməti aşağıdakı kimi olub:
“Araz” supermarket:
“Champion” (250 qr.) – 6,24 azn
“Ahmad Seylon” (100 qr.) – 4,25 azn
“Berqa Earl Grey” (450 qr.) – 11,79
“Azercay Buket” (450 qr.) – 11,79 azn
“Neptun” supermarket:
“Champion” (250 qr.) – 6,85 azn
“Ahmad Çay Special Blend” (500 qr.) – 15,60 azn
“Berqa English Brekfast” (225 qr.) – 6,30
“Azərçay Buket” (250 qr.) – 6,25 azn
“Bravo” supermarket:
“Champion” (250 qr.) – 6,25 azn
“Ahmad Tea Special Blend” (500 qr.) – 17,35 azn
“Berqa Earl Grey” (450 qr.) – 11,89
“Azərçay Pekoe” (450 qr.) – 12,39 azn.
Geri qayıt