Keşiş Baqrat Moskvaya getdi...
Bu gün, 09:53
Xəbər verdiyimiz kimi, dünən erməni nəşrlərində Ermənistandakı revanşist, irqçi keşiş Vazgen (Baqrat) Qalstanyanın iki günlüyə xaricə getməsi haqda məlumatlar yayılmışdı. Lakin axşam saatlarınadək keşiş Baqratın konkret olaraq hansı ölkəyə getdiyi göstərilməmişdi. Moderator.az xəbərə şərhində revanşist yepiskopun Moskvaya getdiyini təxmin etmişdi.
Moderator.az xəbər verir ki, bu gün səhər saatlarında "Hraparak” qəzeti baş nazir N.Paşinyanın istefasını tələb edən Qalstanyanın doğrudan da Rusiya paytaxtına yola düşməsi haqda məlumat yayıb.
“Dünən xəbər yayıldı ki, möhtərəm Baqrat tibbi müayinədən keçmək üçün 2 günlük xaricə, bizdə olan məlumata görə, Moskvaya gedəcək. Səfərin məqsədinin Rusiyanın bəzi dairələri ilə görüşlərlə bağlı olması haqda da xəbərlər var.
Yeri gəlmişkən, son vaxtlar müxalifətdən Moskvaya səfərlər çoxalıb, Kreml Ermənistana, xüsusən də Gürcüstandakı seçkilərdən sonra müəyyən maraq göstərməyə başlayıb. İndi Rusiyanın Azərbaycan və Gürcüstanla proporsional inkişaf edən münasibətləri, Ermənistanla isə problemləri var.
Ötən gün məlum olub ki, qərbyönlü siyasətçilər və Sorosun deputatları Samvel Aleksanyan və Xaçatur Sukiasyan da daxil olmaqla 40-a yaxın şəxsin Rusiya Federasiyasına girişinə qadağa qoyulub.
"Rusiya Federasiyası hakimiyyət orqanlarına toxunmamağa, lakin onlara dəstək verən fiqurları cəzalandırmaq qərarına gəlib. Bu addımlar Ermənistan hökumət dairələrində narahatlıq yaradıb", -deyə erməni nəşri bildirir.
Geri qayıt