İran və İsrail liderləri Bakıya gəlir: Onlar arasında görüş...
Bu gün, 15:08
Məlum olduğu kimi, İran Prezidenti Məsud Pezeşkian Bakıda keçiriləcək COP29-da iştirak etmək üçün Azərbaycana gələcək. Eyni zamanda, İsrail Prezidenti İsxak Hersoq da bir neçə gün öncə tədbirdə iştirakını təsdiqləyib.
İran və İsrail liderləri Bakıda görüşə və hansısa danışıqlar apara bilərlərmi?
Mövzu ilə bağlı TNS-ə açıqlama verən deputat Aydın Mirzəzadə bildirib ki, BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) ilə əlaqədar həyata keçirilən tədbirlər və hazırlıq işləri dünyada böyük maraq doğurur.
O qeyd edib ki, Azərbaycanın bu konfransa hazırlığı yüksək səviyyədədir: “Bunu beynəlxalq təşkilatlar, xarici ölkə nümayəndələri də bilir. Azərbaycan iqlim dəyişikliyi üzrə dünya liderlərinin bir müzakirə platformasına çevriləcək. Eyni zamanda, tədbir çərçivəsində ayrı-ayrı ölkə liderlərinin görüşü, məsləhətləşmələri, ikitərəfli münasibətlər və dünyanın ağrılı problemlərilə bağlı müzakirələri də mümkündür. Biz şad olarıq ki, konfliktdə olan ölkə liderləri fürsətdən istifadə edərək konfrans çərçivəsində görüş keçirsinlər və müzakirə aparsınlar. Yəni, Bakı sülh, əməkdaşlıq problemlərinin həllinə dair müzakirələrin aparıldığı mərkəz kimi tarixdə qalacaq şəhərlərdən biridir”.
Geri qayıt