"Müftə ziyalılıq xidməti bura qədər..."
Dünən, 08:03
"AzTv-dən zəng etmişdilər, verilişə dəvət edirdilər, qonorar tələb etdim, incidilər..." "DİA-AZ" xəbər verir ki, bunu özünün "facebook" səhifəsində açıqlayan tanınmış yazar Şəhriyar Del Gerani daha sonra mövqeyini belə ifadə edib:
"Başa düşmürəm, dövlət büdcəsindən milyonlarla vəsait ayrılan bir televiziya kanalı üçün 500 manat qonorar nədir axı? Düzü, heç nə.
Heç kəsin xətrinə dəyməsin, təkcə “azteve”yə aid deyil, ümumiyyətlə, dövlət büdcəsindən maliyyələşən heç bir kanal, qəzet, jurnal, sayt məni müsahibəyə qonorarsız dəvət etməsin. Müftə ziyalılıq xidməti bura qədər.
Şəxsən mənim bir şair, yazıçı olaraq buna ehtiyacım yoxdur. Əgər doğrudan da məni öz profilinizdə görmək istəyirsinizsə, qonorar ödəməyi gözə alın.
Özünə, imzasına hörmət edən bütün qələm dostlarımı da bu tendensiyaya qoşulmağa dəvət edirəm.
Eşqlər!"
Geri qayıt