5 MİLLƏT VƏKİLİNİN QƏLƏMİNİ İNDİDƏN QIRIBLAR
24-10-2012, 14:18
ONLAR KİMİN QƏZƏBİNƏ TUŞ GƏLİB?
DİA.AZ: - Hələ növbəti parlament seçkilərinə 3 il vaxtın qalmasına baxmayaraq, indidən bəzi millət vəkillərinin aqibətinə aydınlıq gətirilməkdədir. Bu barədə DİA.AZ-a daxil olan məlumatlar da təsdiqləyir ki, əslində kiminsə bu gün Milli Məclisin tərkibində təmsil olunması onun heç də nəzarətdən kənarda qalması anlamına gəlmir.
Mənbənin söylədikləri: «Ola bilsin ki, bir neçə dəfə mandat alanlarda arxayınlıq yaransın və yaxud da hansısa millət vəkili ən azından 5 il toxunulmaz olduğunu düşünsün. Amma məsələ heç də belə deyil».
Mənbəmizin bildirdiyinə görə, konkret olaraq 5 millət vəkili ilə bağlı hüquq-mühafizə orqanlarına xüsusi təlimat verilib: «Həmin təlimata uyğun olaraq həmin deputatların fəaliyyətinin araşdırılması, onlarla bağlı neqativ informasiyaların toplanıb, Prezident Administrasiyasına təqdim olunması tələbi irəli sürülüb».
Bildirək ki, redaksiyamıha onların kimlikləri barədə məlumat verilib:
Əşrəfov Arif Əşrəf oğlu - 55 saylı Xaçmaz şəhər seçki dairəsi
Quliyev Ülvi Zahid oğlu - 17 saylı Yasamal üçüncü seçki dairəsi
Qasımov Əsabil Qarakişi oğlu - 79 saylı İmişli seçki dairəsi
Aslanov Mahir Məhəmmədəli oğlu - 96 saylı Goranboy - Naftalan seçki dairəsi
Cavadov Ərəstun Nurəddin oğlu - 87 saylı Ağsu-İsmayıllı seçki dairəsi
Maraqlıdır ki, adları çəkilən şəxslərin nədən təftiş edilməsi, nədən fəaliyyətlərinin araşdırılması haqda o qədər də dolğun bilgilər verilməsə də, yalnız söylənəni odur ki, həmin deputatların adları indidən «qara siyahı»ya salınıb və onların növbəti dəfə mandat alması nəinki imkansızdır, hətta bəzilərinin 2015-ci ilin seçkilərinə qədər parlamentdən çıxdaş edilməsi belə gözlənilir.
Geri qayıt