HƏR İKİ KEÇMİŞ NAZİR ÜÇÜN AZADLIQ YOLU YAXINDA
30-04-2013, 12:10
AMNİSTİYA AKTI İLƏ KİMLƏR AZADLIĞA BURAXILA BİLƏR?
DİA.AZ: - Məlum olduğu kimi, ölkənin birinci ledisi, Heydər Əliyev Fondunun prezidenti, millət vəkili Mehriban xanım Əliyeva parlamentə amnistiya aktının qəbulu təşəbbüsü ilə müraciət ünvanlayıb. Elə bu səbəbdən artıq müxtəlif kuluarlarda kimin azadlığa çıxacağı ilə bağlı müzakirələr başlayıb.
DİA.AZ-a bilgili qaynaqların ötürdüyü informasiyadan bəlli olur ki, bu amnistiya aktı ilə hakimiyyət seçkilər ərəfəsində çox böyük amiqyaslı jesti etməyi düşünür. Və hətta dünənə qədər adları hakimiyyətə qarşı radikal cinahda hallandırılan şəxslərin belə azadlığa çıxması gözlənilir.
Mənbənin söylədikləri: «Bu gün həbsdə saxlanılan keçmiş iqtisadi inkişaf naziri Fərhad Əliyevin, onun qardaşı Rafiq Əliyevin, keçmiş səhiyyə naziri Əli İnsanovun, «Xural» qəzetinin baş redaktoru Əvəz Zeynallının, İslam Partiyasının sədri Mövsüm Səmədovun və həmçinin onlarla dindar məhbusun, habelə adları siyasi məhbus siyahısında olan şəxslərin böyük əksəriyyətinin bu amnistiya aktı ilə azadlığa buraxılması planlaşdırılır».
Mənbəmiz bildirdi ki, artıq bu barədə həmin məhbusların bəzilərinin yaxınlarına bilgilər də verilib: «Bu qərarla Azərbaycan hakimiyyəti həm də vətəndaş sülhünün seçkiqabağı dönəmdə vacib bir məqam kimi önəmli olduğuna da diqqət ayırmış olacaq. Yalnız bir-iki istisnalar ola bilər. Amma adları çəkilənlərin əksəriyyətinin azadlığa buraxılması nəzərdə tutulub».
Geri qayıt