"GEDİN BUNU PƏNAHDAN SORUŞUN"
1-07-2013, 14:26
Milli Məclisin sabiq deputatı, müsavatyönlü Pənah Hüseyn mətbuat son müsahibəsində Milli Şuranın ünvanına sərt ittihamlar səsləndirib.
Qurumun Rusiyanın projesi olduğuna şübhə etmədiyini deyən P.Hüseyn “Rüstəm İbrahimbəyov və onun həqiqi yaxın çevrəsi İsa Qəmbər və onun təmsil elədiyi qüvvələrlə bir çox məsələləri açıq və səmimi şəkildə müzakirə edib, razılaşdırmasalar ciddi problemlər ortaya çıxacaq” söyləməklə, müxalif düşərgədə yeni narazılıqların əsasını qoyub.
“Olduqca tragikomik nəticə qarşımızdadır” deyən Pənah Hüseynin iddialarına Milli Şurada təmsil olunan, “Ziyalılar Forumu”nun həmtəsisçisi və keçmiş həmkarı Cəmil Həsənlidən cavab gəlib.
Editor.az-a açıqlamasında professor Cəmil Həsənli bildirib ki, Pənah Hüseynin fikirləri ilə razılaşmır və Milli Şuranın perspektivlərinə nikbin yanaşır: “Bu gün hakimiyyət də deyir ki, Milli Şura Rusiyanın projesidir, Pənah Hüseyndir. O, bunu niyə və hansı zərurətdən deyir, bu mənim işim deyil. Gedin Pənahdan soruşun ki, o niyə belə danışır. Mən isə bu fikirdə deyiləm. Milli Şuranın görəcəyi işlər qabaqdadır və heç kim bu qurumun uğurlarına kölgə sala bilməz”.
Geri qayıt