DİA.AZ: - Hər zaman fərqli keyfiyyətli işlər ərsəyə gətirərək gündəm yaratmağı bacaran rəqibsiz prodüser Mədinə Məlikin səmimi fotolar çəkdirdiyi nəmalum şəxsinin kimliyi bəlli olub.
DİA.AZ xəbər verir ki, M.Məlikin səmimi fotolar çəkdirdiyi nəmalum şəxs isə son vaxtlar yaradıcılıq fəaliyyətini aktivləşdirən istedadlı maqazin jurnalisti və PR meneceri Elton Hacıyevdir. Azərbaycanın əsas prodüseri PR menecer Elton Hacıyevlə iş birliyinə imza atıb. Tərəflər yenicə işləməyə başlasalar da, artıq bəzi böyük layihələr haqda danışıqlar aparıblar.
Mədinə xanım qeyd edir ki, Elton ilə iş birliyi hər kəsin düşündüyündən daha yaxşı olacaq: "Elton ilə tanışlığımız təsadüfən baş verdi. O bəyin iş görmək qabiliyyəti ilə yanaşı, həm də müsbət aurası var. Onun yanında özümü çox rahat hiss edirəm. O, həm peşəkar PR menecer həm də yaxşı dostdur. Bizim xasiyyətimizdə hətta kaprizlərimiz eynidir. Ümid varam ki, bu iş birliyi uzun ömürlü və uğurlu olacaq. Ən böyük həzz hər kəsin "bacarmarsan" dediyini bacardığın an bəxş olunur".
Elton da, öz növbəsində, adı ilə bağlı olan bütün layihələrdə uğur qazanan Azərbaycanın əsas prodüseri Mədinə Məliklə iş birliyinə böyük ümidlər bəslədiyini dilə gətirdi: "Mədinə Məliklə iş birliyindən uğurlar gözləyirəm. Çünki Mədinə xanım hər zaman fərqli keyfiyyətli işlər ərsəyə gətirərək gündəm yaratmağı bacaran rəqibsiz prodüserdir. Ümid varam ki, iş birliyimiz xeyirli olacaq. Yeni və çox maraqlı layihələrimiz var".
