Tanınmış prodüser, teleaparıcı Tarix Əliyev (Tolik) də Azərbaycan Respublikasının Silahlı Qüvvələrinə Yardım Fonduna pul köçürüb.
Yenisabah.az xəbər verir ki, bu barədə paylaşım edən Tolik əmək haqqının bir hissəsini fonda köçürdüyünü qeyd edib:
“Bu gün hər birimiz bacardığımız qədər dövlətimizə, əsgərlərimizə dəstək olmalıyıq! Mən də özümə borc bildim və Silahlı Qüvvələrə Yardım Fonduna min manat öz əmək haqqımdan pul köçürtdüm. Bu reklam yox, təbliğatdır.
Məbləğindən asılı olmayaraq, hər bir tanınmış şəxsdən, incəsənət adamlarından, müğənnilərdən dəstək olmalarını xahiş edirəm. Biz birlikdə güclüyük!”
Qeyd edək ki, sentyabrın 27-si səhər saatlarından başlayan Azərbaycan torpaqları uğrunda döyüşlər davam edir. Orduya dəstək məqsədilə xalq könüllü səfərbərliyə gedir, əsgərlərin ərzaq, su və s. ehtiyaclarını ödəmək üçün yardımlar edir, yaralılara kömək üçün qan verməyə çalışırlar. Bunlarla yanaşı, ölkəmizdə fəaliyyət göstərən şirkətlər də Azərbaycan Respublikasının Silahlı Qüvvələrinə Yardım Fonduna ianələr etməklə orduya və dövlətə dəstək kampaniyasını həyata keçirirlər.
