Xalq artisti Səfurə İbrahimovanın qardaşı qızı Könül İbrahimova bir neçə gün əvvəl Moderator.az-a müğənni Samirə Yusifqızının onların qohumu olmadığını bildirmişdi. O müğənnini bibisi vasitəsilə özünü reklam etməsini söyləyib, onu yalan danışmaqda ittiham etmişdi.
“O özünü bibimin dayısı qızı kimi təqdim edir. Amma bu belə deyil. Atamdan soruşuram ki, Samirə Yusifqızı ilə necə qohumsuz? Deyir ki, o kimdir elə?”..
Moderator.az əməkdaşı məsələ ilə bağlı müğənni Samirə Yusifqızı ilə əlaqə saxlayıb.
“Mən elə bir insan tanımıram, tanımaq da istəmirəm. O kimdir ki, mən onunla dava-dalaş edib, dartışıb-çarpışım? Bəlkə də özünü reklam etmək istəyir, amma mən elə adam tanımıram. O məni tanımırsa tanımasın, tanıyanlar var. Əsli-əcdadı var, atası var. Atası Zakir bilir ki, mən kiməm, anası Amilla bilir mən kiməm? Getsin malına-mülkünə sahib olsun, otursun yerində. O, bu dəqiqə bunun üçün çarpışır. Səfurə İbrahimova qohumdur, qohum olaraq qalıb və qohum kimi də getdi. Allah rəhmət etsin, ruhu şad olsun” - deyə müğənni bildirib.
