“BANK OF BAKU”DAKI FIRILDAQLARA ƏDLİYYƏ NAZİRLİYİ ŞƏKKSİZ ŞƏRİKDİR
DİA.AZ: - Redaksiyamıza adı İranın xüsusi xidmət orqanları ilə qoşa çəkilən və bu gün Azərbaycanın banl sektorunda kifayət qədər ciddi mövqedə dayanan “Bank of Baku” ilə bağlı xeyli sayda vətəndaş şikayəti daxil olub. Həmin materialları davamlı olaraq diqqətinizə çatdırmaq qərarını vermişik və ilk olaraq onlardan birini təqdim edirik. ««Bank of Baku» məni ölüm həddinə çatdırıb». Bu sözləri Bakı sakinlərindən birinin DİA.AZ-a ünıvanladığı şikayət məktubunda yer alıb. Şikayətçi bildirir ki, bir il əvvəl aldığı maşını «Bank of Baku» tərəfindən qanunsuz olaraq əlindən alınıb:
«Cəmi üç ay gecikməm oldu. Bu da maşınla qəza törətməyimlə bağlı idi. Və bildirim ki, maşınım ailəmi dolandıra bilməm və bankın kreditini ödəyə bilməm üçün yeganə vasitəm idi».
Məktubda şikayətçi qeyd edir ki, əvvəllər vaxtlı-vaxtında krediti ödəsə də, məhz başına gələn qəzadan sonra müəyyən axsamalar yaranıb: «Bankın işçiləri də sanki bunu gözləyirmiş. Maşınımı qapımdan qanunsuz olaraq götürdülər. Sonra da başladılar maşınıma müştərilər axtarmağa. Hətta məndən maşınımın satılmasına zorla razılıq istəyirdilər. Mən də razılaşmadım. Bundan sonra məni maşınımın hərraca çıxarılacağı ilə hədələdilər və mənə bildirdilər ki, maşınım hərracda dəyərindən aşağı qiymətə satılacaq. Mən də onlara baş salmağa çalışdım ki, siz hərracın nəticələrini indidən necə bilə bilərsiniz. Bu da onlara kar etmədi. Və artıq maşınım hərraca çıxarılıb».
Şikayətçi bildirir ki, bir neçə günə maşını satılacaq: «Əgər bu baş verərsə, özümü öldürəcəm. Çünki bu maşın ailəmi dolandıra bilməm üçün yeganə qazanc mənbəyim idi. Və bütün əlimdə olan ailəmin qızıllarını sataraq bu maşın üçün ilkin ödəniş eləmişdim. Əgər maşınımı satacaqlarsa, intihardan başqa yolum qalmır».
Onu da xatırladaq ki, arxasında hakimiyyət içindəki iranmeyilli qüvvələrin dayandığı «Bank of Baku» hazırda ən çox şikayət olunan bank kimi diqqətə gəlib. Müştəriləri ilə amansız rəftarı bu bankın himayədarlarının gücünün təzahürü kimi də qəbul olunur. Məhz buna görə də «Bank of Baku» çox rahat-rahat ədliyyə nazirliyinin işçilərini də satın ala bilirlər.
Xatırladaq ki, ABŞ-ın Azərbaycandakı səfirliyinin sözügedən ölkənin Dövlət Departamentinə ünvanladığı məxfi qrifli məlumatlarda bildirilirdi ki, bu bank vasitəsilə İranın xüsusi xidmət orqanlarına aid çirkli pullar yuyulmaqdadır. Bir ay ərzində İrandan qara yollarla ötürülən 5 milyon dollar məhz «Bank of Baku»nun «çistilişe»lərində təmizlənir.
Bundan əlavə, bu bankın eyni zamanda «Hyundai Auto Azerbaijan» şirkəti ilə ortaq şəkildə vətəndaşlara divan tutması da mətbuatda səslənən fikirlərdəndir. Bildirək ki, «Hyundai Auto Azerbaijan» şirkəti əslən İrandan olan və ETTEALAT-la mübhəm əlaqələri olan Oromi ailəsinə məxsusdur. Eyni zamanda bu ailənin sahiblik etdiyi NAB şirkəti də «Bank of Baku»nun əsas payçılarından biridir. Bu ailənin varidatları sırasında «Baku Electronics» kimi mühüm bir struktur da yer almaqdadır. Hər halda, belə bir imkan çevrəsinin Azərbaycanda hansı səviyyəli əlaqələrə malik olmasını təxmin etmək o qədər də çətin deyil.
Təbii ki, bu əlaqələr də öz növbəsində Azərbaycan vətəndaşlarına divan tutulması üçün də münbit şərait yaradır. Məhz «Bank of Baku»nun müştərisi olma səbəbindən yüzlərlə Azərbaycan vətəndaşının əmlakı əlindən alınıb. Bu bankdan kredit götürən onlarla vətəndaşımızın bu gün evlərini satışa çıxardığı da faktdır.
DİA.AZ-a ötürülən məlumatda isə bildirilir ki, «Bank of Baku»nun fırıldaq yolu ilə vətəndaşları talamasında iştirakçılardan biri də Ədliyyə Nazirliyidir: «Məhz bu nazirlikdə qurulan saxta hərraclar yolu ilə vətəndaşların kreditlərinin müqabilində olan əmlakları dəyər-dəyməzinə satılır. Halbuki satış hüququ kredit alan vətəndaşda olsaydı, onu istədiyi qiymətə sata bilərdi».
Mənbəmiz bildirir ki, hətta bu işdən nazir Fikrət Məmmədovun da məlumatı var: «Hər halda, nazirin bu işlərdən xəbərsiz olması qeyri-mümkündür. Çünki hərraclar nazirin birbaşa diqqətindədir».
Mənbənin sözlərinə görə, ilk əvvəl vətəndaşların əmlakını nisbətən münasib qiymətə satışa çıxaran «Bank of Baku» nümayəndələri sonradan maxinasiyalar yolu ilə əmlakın qiymətini öldürürlər: «Yalandan hərrac elan olunur, amma təşkil edilmir. Çünki hərracda həqiqi alıcıların iştirakı təmin edilmir. Bundan sonra ikinci hərrac təşkil olunur. Bu da saxta sənədlər üzərində baş verir. Hətta əmlakın sahibi olan vətəndaş israr etsə belə, yenə də eyni ssenari işə düşür. Çünki xəbəriz olan real müştərilərin hərracda iştirakları mümkünsüzdür. Bu yolla kredit müqabilində qoyulan əmlakın qiyməti öldürülür».
Mənbə bildirir ki, vətəndaşların əmlaklarını bu şəkildə dəyər-dəyməzinə satan «Bank of Baku» yönəticiləri əslində bu xalqın düşmənləridir: «Hər halda, düşmən olan kəs insanlarımızı bu yolla müflisləşdirər. Buna dövlət adına işlənən, dövlətin də şərik olduğu TALAN SİYASƏTİ də demək olar».
Onu da bildirək ki, “Bank of Baku”nun kredit məngənəsi hesabına vətəndaşları talama cəhdləri tək bununla da bitmir. Əldə etdiyimiz məlumatlardan aydın olur ki, sözügedən bank imkanı olmayan, ödəmə qabiliyyəti olmayan müştərilərə hətta “çıxış yolu” da təklif edir.
Belə ki, DİA.AZ-a bu barədə məlumat verən vətəndaşlardan birinin sözlərinə görə, onun sözügedən banka kredit borcu olub və naraqlı bir situasiya ilə üzləşib:
«Neçə müddətdir ki, maddi durumum pisləşdiyindən artıq kreditimi ödəyə bilmirəm. Banka girov qoyduğum maşından taksi kimi istifadə edirdim və 2 il ərzində həmin maşınım da bir neçə dəfə qəza keçirdiyindən, ciddi qiymətə getmir. Banka olan hazırki borcumun miqdarı isə 8 min manatdır. Maşınımı isə real olaraq 4500 dollara ancaq sata bilərdim. Artıq maşınımı da əlimdən alıblar və özləri də görüblər ki, real qiyməti borcumdan çoxdur. Ona görə də məni yenidən sıxmağa başlayıblar və mənimlə digər əmlakımın - evimin üzərində yeni müqavilə bağlamaq istəyirlər. Mən isə onlara bildirirəm ki, banka pulun müqabilində qoyulan əmlak, yəni risqə atılan əmlak maşın olub və bununla kifayətlənməlisiniz. Amma buna baxmayaraq məni yenə də sıxırlar və yeni müqavilə imzalamağa vadar etmək istəyirlər».
Hər halda, bu hadisəni biz bank tarixində «yenilik» kimi də qəbul etməliyik. Təbii ki, yaxşı mənada yox…
«Hələ utanmadan reklam da edirlər. Camaata guya ki, aşağı faizlərlə kredit təklif edirlər. Sizin redaksiyanız vasitəsilə bütün Azərbaycan vətəndaşlarına müraciət edirəm. Onlara adlanmayın. Hamısı fırıldaqdır. Mən yanmışam, istəmirəm, kimsə də yansın». Bu sözlər isə bir başqa şikayətçimizə aiddir. Bildirək ki, «Bank of Baku»nun son günlərdə kredit reklamına girişməsi bir qrup paytaxt sakininin narazılığı ilə qarşılanıb. Redaksiyamıza müraciət edən sakinlər bildirir ki, onlar da zamanında «Bank of Baku»nun şirin vədlərinə aldanıblar: «Nəticədə bu gün hər şeyimiz əlimizdən çıxıb. Hələ də banka pul ödəyirik. Əslində onlar talançıdırlar».
Başqa bir şikayətçi isə bildirir ki, o, məcburi qaydada «Bank of Baku»nun müştərisinə çevrilib: «Özümə «Hyundai» markalı maşın aldım. Mənə avtosalondan «Bank of Baku»nu məsləhət gördülər. Halbuki mən «Unibank»ın əvvəllər müştərisi olmuşdum. Amma avtosalondan onların kredit məsələsində yalnız «Bank of Baku» ilə əməkdaşlıq etdiklərini bildirdilər. Mən nə biləydim ki, bunların hamısı bir adamdır. Sonradan öyrəndim ki, sən demə, bunların hamısı İrana işləyirmişlər və onları «NAB» şirkətinin sahibi olan Oromi qardaşları yönəldir».
Daha sonra vətəndaş məktubunda bildirir ki, onun avtomobil aldığı «Hyundai Auto Azerbaijan» şirkətinə məxsus olan avtosalon «Azərbaycan» Dövlət Nəşriyyatı ilə üzbəüz yerləşir: «Oranın sahibi də iranlı idi. Halbuki nədənsə bunu gizlətdi. İndi başa düşürəm ki, bu adamlar Azərbaycanda Türkiyə şirkəti kimi fəaliyyət göstərirlər. Halbuki İrana bağlıdırlar».
Daha sonra bir neçə günlük ödəmə gecikməsinin qurbanı olduğunu bildirən şikayətçi vurğulayır ki, sanki əlinə fürsət düşən «Bank of Baku» əməkdaşları onun maşınına qanunsuz olaraq həbs qoymaqla yanaşı, həm də qanunsuz məhkəmə qərarları çıxararaq nəhayətdə maşınının satışına da nail olublar: «İndi öyrənmişəm ki, onlar bir mafiya imiş. Ədliyyə nazirliyinin hərraclarında da adamları var. Elə bir şərait yaradırlar ki, nəhayətdə vətəndaş öz maşınını əldən verməli olur. Qanunsuz simvolik hərraclar keçirib vətəndaşdan alınan maşını öz adlarına keçirirlər. Sonradan isə cəmi bir ay sürülmüş maşını baha qiymətə satırlar».
Bütün hüquqi instansiyalara müraciət edən «Bank of Baku»nun qurbanları həmin fırıldaqçıların Azərbaycanda bəzi məmurlar tərəfində də himayə olunduğunu iddia edirlər: «Əgər belə olmasaydı, İran agenturası ilə adı yan-yana çəkilən bu bankir mafiyasına qarşı hansısa ölçü götürülərdi. Deməli, «yuxarıda» kiminsə boğazını yağlayırlar ki, onlara da «gözün üstündə qaşın var» deyən yoxdur».
