HÜQUQ MÜDAFİƏÇİSİNDƏN HAKİMƏ AĞIR İTTİHAMLAR
DİA.AZ: - Ucar rayonunda baş verən özbaşnılalıqlarla, eləcə də bu rayonda peyda olmuş “Kurtlar Vadisi” adlı mafioz qrupla bağlı, habelə bu qrupun törətdiyi cinayət əməlləri ilə bağlı hələ keçənlərdə məlumat vermişdik. Son xəbərlərə görə, Ucar rayon məhkəməsində 26 sentyabr 2011-ci il tarixdə Hüseynov Fuad Oktay oğlu A R Cinayət Məcəlləsinin 221.3-cü maddəsi ilə təqsirli bilinirək 6 il 6 ay müddətinə azadlıqdan məhrum edildi.
Bu barədə məlumat verən hüquq müdafiəçisi Xasməmmədov Taleh Vidadi oğlu “Dünya” İnformasiya agentliyi redaksiyasına (dia-az.site) bildirib ki, Hüseynov Fuad əslində heç bir cinayət işləməyib və bütünlüklə bu cinayətdən xəbərsiz olub: “Fuad "Kurtlar Vadisi" adlanan mafiyanın qurbanıdır. Məhkəmə iclasında zərrçəkənlər və şahidlər bu cinayətin qondarma olduğunu etiraf etsələr də, həmin cinayətkar dəstənin üzvü olan hakim Çingiz İsgəndərov qərəzli olaraq ədalətsiz hökm çıxardı.
Çünki Fuad Hüseynova böhtan atan şəxsləri hakim vaxtında muzdla tutmuşdur. Həmin etiraflardan sonra biabır olmuş hakim mövqeyini dəyişmədən günahsız insanı həbsə atdı”.
Mənbənin məlumatına görə, hal-hazırda Fuada böhtan atan şəxs Cəfərov Akif Cəmşid oğlu Baş Prokurorluq və ya Ədliyyə Nazirliyi qarşısında intihar edəcəyini söyləyir.
Onu da bildirək ki, hüquq müdafiəçisi Xasməmmədov Taleh Vidadi oğlu Ucar rayon məhkəməsinin müvəqqəti hakimi İsgəndərov Çingizə mətbuat vasitəsilə çağırışda da bulunub. Həmin çağırışın mətnində deyilir:
“Məlumat olaraq bildirirəm ki, sənin icraatında olan “filan” saylı cinayət işi üzrə Fuad Oqtay oğlu Hüseynovun həbsinə maraqlı olmaqla daha çox dəridən-qabıqdan çıxmağına ehtiyac yoxdur. Belə ki, artıq sənin güvəndiyin dağlara qar da yağıb, dolu da! Özlərini “Kurtlar vadisi” adlandıran (əslində qurd mərd olar) mütəşəkkil cinayətkar dəstə bütün məkrli çirkin əməlləri ilə ifşa olunmaqla bu barədə müvafiq orqanlara məlumat verilib. İnşallah nəticəsi uğurlu olar ki, səndən də yan keçməz. Uzun illərdi ki, sən Zərdab və Ucar rayonlarında əsassız ittihamları və böhtanları tanımaqla mülki və cinayət işlərində çoxlu sayda əsassız qərarlar və qətnamələr qəbul etmisən. Başını kola soxmuş dəvəni anlayıram, səni yox, çünki, o heyvandır! Ədalətli olmağı bacarmadın düşünürəm ki, bu gündən etibarən ağıllanmaq üçün düşünəcəksən. Amma yenə də inanmıram, çünki, “qırxında öyrənən zindanda çalar” !
Sual edirəm: Hansı hakim zərəçəkənlərə pul paylayır? Hansı hakim “zərərçəkən”ləri, “şahid”ləri əzizləyib telefonla onlara vaxt ayırır? Hansı hakim “zərərçəkən”ləri və “şahid”ləri təlimatlandırır? Hansı hakim günahsızları həbs etmək naminə pul xərcləyir? Hansı hakim polisin sifarişini qanun bilir və hansı hakimi ittihamçıdan qorxur? Hansı hakim külli miqdarda rüşvət alır? Hansı hakim mafianın quluna çevrilib? Hansı hakim gecə-gündüz mənə təzyiqlər var deyir? Hansı hakim bu qədər vicdanını satıb?
Fuadın son məhkəməsindən əvvəl yalançı zərərçəkən Cəfərov Akif Cəmşid oğlunu xəstəxanada ziyarət edərkən “möhkəm ol, sona qədər belə davam et” deyə üzə durmağa vadar etdiyini və ona 10 (on) AZN manat verərək hələ dalı olacaq deməyini Akif və onun həyat yoldaşı məhkəmə iclasında sənə ünvanlayacaq. Əgər inkar etsən, səs yazın maddi sübutdurmu?
Adları sadalanmayan şahidlərin (hələlik özləri istəmirlər) telefonuna dəfəfələrlə zəng etməklə qiymətli vaxtını itirməyinə səni məcbur edən nədir? Bəs mənə deyirdin ki, “mən hakiməm səninlə görüşsəm, danışsam mənə nə deyərlər?” Sənə cavab vermişdim ki, “mən xoxan deyiləm ,qorxma”. Cavab verirəm: “yaxşı ki, səninlə görüşmək mənə qismət olmadı, axı mən sənin muzdla tutulmuş zərərçəkən və şahidlərindən deyiləm. Həm də ki, sənin gic fikirlərini özün ağılda insanlar dinləyər, mən yox” Etirazın olarsa səsini sənə dinlədərəm. Okeymi?
19.09.2011-ci il tarixinə təyin olunmuş məhkəmə icraatına yalançı zərərçəkəni dəvət etmək üçün al dilə tutaraq təsəlli verməklə həm də təlimatlandırırsan. Onun razılığın aldığın gün gecəni necə yatdın? Maraqdan hakimlər haqqında qanunu təkrar vərəqlədim, amma sən deyənləri anlamadım. Fikirləşdim yəqin həmin dərsi buraxmışam deyə özümdən şübhə etdim. MÖHTƏRƏM hakim! Həmin “zərərçəkən”in adboy verdikdən sonra gülməyini görsəydin ürəyin partlayardı (əgər arın qalıbsa). Bu səs yazısı da məndən sənə hədiyyə!
Eşitdiyimə görə aldığın rüşvətlərin bərəkəti yoxdur. Kimin yanında gözün kölgəlidirsə tutub əlindən alır. Səni bədxərc hesab edim, yoxsa səxavətli? Məncə sən “lox”san əziyyət çəkib alın tərilə qazandığın rüşvəti mafia ilə bölməyə də bilərsən. Çünki sən hakimsən onların “lox”u yox. Amma bir şeyi də bil ki, Ələkbərov Şahlarla (Polad Ələmdar) qazandığınız pullar qan puludur haaa! Ələkbərov Şahlar planı qurub, Əliyev Elçin bıçaq götürüb, Cəfərov Akif və Hüseynov Azadla birlikdə Ramil adli taksi sürücüsü ilə Gəraybəyli kəndinə gedərək Azad və Akif hər ikisi sol qollarını bıçaqla kəsərək daha sonra xəstəxanaya gediblər. Elçin xüsusi təyinatlı dəstəsi olan polislərə zəng edərək qurama hadisə barəsində məlumat verib və sonra bıçağı aparıb poçtun qarşısındakı kanalizasiya quyusuna atıb (burnunu tut). Aldığı tapşırığı “uğurlu” bitirdiyi barəsində böyüklərini xəbərdar edib. Vəssəlam, şüt tamam!
Anlamadınsa o zaman zərərçəkənlərin etiraf etdikləri video çəkilişlərə baxıb, audio səsləri dinləyərsən. Yəni “üç badam bir qoz”! Hüseynov Fuad Oqtay oğlu günahsızdır. Sən “üç badam bir qozla məşğul ol” digər meyvələrin yiyəsi gələcək, okeymi? Meyvə demişkən; prokurorluq-dakı meyvə kal olsa da, polisdə yetişmişlər var. Amma dadına baxmaq sənə qismət olmayacaq. Çünki sənin yorğanına görə deyil. Həm də etibar etməzlər, çünki “ətlərini yesən də, sümüklərini atmazsan” sən sümük toplamaqda qal, mən davam edim.
Bu günə qədər polis rəislərinin eləcə də sabiq poli rəisi Quliyev Ənvərin, rəis müavini Əhmədov İlhamın tapşırdığı və prokurorların ittiham etdikləri hansı şəxslər barədə ədalətli mühakimə aparmısan? Adlarını sənə sadalamaqdansa həmin siyahını sənə ünvanlamaq daha məqsədə uyğundur ki, öz çirkin əməllərini vərəqləməklə bəlkə yatmiş vicdanını oyatdın. Qorxduğun bir şey də olsun ki, vicdan ayılanda qapılar üzünə bağlanmış olar. Odur ki, tələs! Qorxma ki, bu tələsmək təndirə salar. Necə deyərlər gec olar güc olar! Bir də sənə bir şeyi xatırladım ki, sənin iş təcrübən çoxdur, üstündən uzun illər keçdiyi səbəbindən hakim andını unutmuş ola bilərsən , təkrarla. Bəlkə daha tez ayıldin. Məsləhət görürəm tələs! Bu gün tezdir sabah gecdir. Yenə də zənglərinə diqqət et və adamını tanı!
Ucar rayonunda Ələkbərov Şahlar (Qriqoryan İşğanın oğlu) Quliyev Ənvərin köməkliyi ilə mütəşəkkil cinayətkar dəstə yaradıb həmin dəstədə cinayətkar Əliyev Elçin, Hüseynov Azad, Gülarə, Nuranə, Esmira və digər çoxlu sayda insanlıqdan kənar vicdanını namusunu qəpik – quruşa satan şəxsiyyətsizlər də var. Həmin şəxsiyyətsizlərin saysız-hesabsız cinayət işlərini həyata keçirməklə yanaşı sənin hakimliyinlə keçirilən iclaslarda alçaqcasına dəfələrlə üzəduranlıq ediblər ki, bu da sənə gün kimi aydın olan faktdır. Sual edirəm həmin əxlaqsızlar hara? sən hara? Əlbir olmadığını da inkar edə bilməzsən. MÖHTƏRƏM hakim! Uzun sözün qısası “özü yıxılan ağlamaz” sənə Gülarə lazım idi?
Kərimov Sadiqin başına gələnlərə diqqət et: Yaxşı bilirsən Şahlar onu aldadaraq 58 000 (əlli səkkiz min) ABŞ dolları pulunu mənimsəyib artıq uzun müddətdir ki, sənin ədalətli qətnamə və qərarların səbəbindən hələ də pulunu geri ala bilməyib. Üstə gəl 08.iyul 2011-ci il tarixdə növbəti dəfə haqsız olaraq Kərbəlayi Sadiqdən 6900 (altı min doqquz yüz) dollar məbləğdə pul alınaraq Ələkbərov Şahlara verilməsi barədə qətnamə çıxarmısan. Bilirəm ki, Şahlar səndən çox bilmişdir, pulu səninlə bərabər bölməz amma payını da əsirgəməz. Kərbəlayi Sadiqin dindar halal bir insan olduğunu bilərəkdən niyə qərəzli mövqedəsən? Səncə onun ahı Allaha yetmir? Əgər burnundan gəlməzsə həmin haram pulları yeməkdə davam et...
Nuşirəvan və bayquşların söhbətini xatırla və nəticə çıxar. Yuxarıda qeyd etdiyim sualın cavabın mənə deyərsən. Niyyətim səni təhqir etmək deyil, səni özünə xatırlatmaqdır.
Yenə də gəl Allahdan ümidi üzməyək! Çünki, Allah böyükdür, rəhmlidir, ədalətlidir. Heç kim onun hökmündən xəbər tuta bilməz. Səninsə çıxardığın saxta hökmləri “El bilir, aləm bilir””.
REDAKSİYADAN: Yazıda adları keçən bütün şəxsləri dinləməyə hazırıq.
