Gürcüstanda azərbaycanlıların kompakt yaşadığı Borçalı bölgəsinin Saraçlı kəndinin sakinləri mavi yanacağın olmamasından əziyyət çəkir.
Bununla bağlı Cebhe.info-ya müraciət edən Saraçlı sakinləri bildirib ki, kəndə bir ildən çoxdur SOCAR tərəfindən qaz xətti çəkilib. Amma hələ də qazın verilişi təmin edilməyib. Həmin kənddən olan Azərbaycan Xalq Cəbhəsi Partiyası (AXCP) Ali Məclisinin sədri Rafiq Daşdəmirlinin sözlərinə görə, sakinlər ağır şəraitində yanacaq axtarışındadır:
“Vəziyyət o həddə çatıb ki, insanlar yanacaq tapmadığı üçün qış aylarında evlərini tərk edib başqa yerlərdə yaşamağa məcbur olurlar. Qonşu kəndlərdə qazın olmasına baxmayaraq, Saraçlı kəndində bu məsələ həll olunmur”.
Saraçlı sakinləri SOCAR prezidenti Rövnəq Abdullayevə müraciət edərək, kəndin qaz probleminin həlli üçün addım atılmasını istəyiblər.
