Azərbaycanın “qanuni oğru”ları, avtoritetləri həmişə cəmiyyətin diqqətində olub. Bunu inkar edənlərin özünə də belə onların həyatı maraqlı gəlib. Həmin insanlardan biri də 1982-ci il yanvarın 21-də Azərbaycanın Masallı şəhərində doğulan və “Rafiq Masallinski” adı ilə tanınan Eyvazov Rafiq Yavər oğludur.
Əvvəlcə onu deyək ki, Rafiqin yaxın qohumu Məmməd Hüseynov (“Mamed Masallinski”) Azərbaycanın kriminal aləmində çox nüfuzlu şəxs kimi sayılıb. Qohumu ona kriminal aləmə girməyə kömək etsə də lakin “Mamed Masallinski” ona oğru tacı verə bilmədi. Məmməd Hüseynov 20 mart 2011-ci ildə 50 yaşında qaraciyər serrozundan vəfat edib.
“Lotu Quli” və “Rafiq Masallinski”: dostluq və sonradan yaranan münaqişənin kökləri
Nüfuzlu qohumunun dəstəyini itirən “Rafiq Masallinski” buna baxmayaraq özünü topalayır. O, azərbaycanlı və o zamanlar çox tanınmış olan Nadir Səlifovun (“Lotu Quli”, “Quli Bakinski”) mütəşəkkil cinayətkar dəstəsinə qoşulur. “Lotu Quli” həm də azərbaycanlı olduğu üçün Rafiqə - “ikinci Masallıski”yə çox mehriban yanaşırdı.
Nadir oğruların ümumi fonduna pul yığılmasına nəzarət etməyi “Rafiq Masallinski”yə həvalə edib. Və bir müddət Eyvazovla Səlifov arasında münasibətlər, ümumiyyətlə, kifayət qədər mehriban olub. Bu münasibət bir müddət sonra pozulur. Belə ki, mütəşəkkil cinayətkar dəstənin lideri “Lotu Quli” eşidir ki, “Rafiq Masallinski” ümumi fonddan “obşak”dan mənasız yerə pullar xərcləyir. Bu söz-söhbətlər o zaman hələ şayiə səviyyəsində idi. Bunu eşidən “Lotu Quli” araşdırma tələb edir. Yoxlama nəticəsində məlum olur ki, “obşak”da lazımı qədər puldan 200 min dollar çatışmır. Amma “Rafik Masallinski” pulların hara yoxa çıxdığını izah edə bilmir. Elə bu səbəbdən də “Lotu Quli” ilə onun arasında güclü mübahisə olub. İş o yerə çatıb ki, “Rafiq Masallinski” “Lotu Quli” ilə vidalaşır. Və ona qarşı çıxıb özünün mütəşəkkil cinayətkar dəstəsini yaratmaq qərarına gəlir.
“Tacqoyma” və könüllü həbs
Lakin şöhrətli avtoritet olmaq üçün “Rafiq Masallinski”nin bir mühüm maneəsi var idi. Çətinlik onda idi ki, digər avtoritetlər çətin ki, oğru tacı olmayan birinə tənzim etsinlər. Bu hörməti əldə etmək üçün “Rafiq Masallinski” Rövşən Caniyevin (“Rövşən Lənkəranski”) klanının nümayəndələri ilə əlaqələr qurmağa başladı. O, “Rövşən Lənkəranski”nin yaxın adamlarından birinin rəğbətini qazana bilib. Onun təklifi ilə 2013-cü il fevralın 11-də “Rafiq Masallinski”yə “tac qoyuldu”. “Arif Sumqayıtski”, “Vaqif Bakinski”, “Vaja Tiflisski”, “Olejka Aşqabadski”, “Rəşad Gəncəli”, “Rezo Lotkinski”, “Yunus Yasamalski” və “Vaxa” azərbaycanlı cinayətkara “qanuni oğru” adı verilməsinə razılıq veriblər.
Düzdür, bəzi mənbələrə görə, “Rafiq Masallinski” hansısa imtiyazla belə yüksək statusa layiq görülüb. Ona kifayət qədər çətin bir iş tapşırılmışdı: o zaman “Lotu Quli”nin olduğu həbsxanaya getmək və onun oğru mövqeyinə meydan oxumaq.
Razılaşmanı yerinə yetirmək üçün 2013-cü il martın 27-də Eyvazov təsadüfən Azərbaycan polisinin diqqətinə düşüb. Şəxsi axtarışdan sonra onun üzərindən 5 ədəd patronla dolu “Makarov” markalı tapança aşkar edilib. Bakı şəhər məhkəməsi tez bir zamanda “Rafiq Masallinski”nin həbsinə qərar verib. Onun cəza evində ilk işi kamera yoldaşlarının qulağına Qulinin oğru sayılmadığını pıçıldamaq olub.
Ona qarşı qurulan intriqalar Nadir Səlifovun da qulağına çatır. O “layiqli” məhbuslara izah edib ki, onlar arasında çaşqınlıq törətmək istəyirlər və bunu Eyvazov edir. Və o, bütün məhbuslardan anlayış və dəstək istəyib.
Bundan sonra “oğrular” arasında belə söz-söhbətlər yayılmağa başladı ki, “Rafiq Masallinski” avtoritetlərin amansız repressiyasına tab gətirə bilməyib və özünü öldürməyə qərar verib. Əslində, oğru sağ idi. Belə bir söhbət var idi ki, cəza evində məhkumlar onun qulağını kəsir. Lakin həmin kəsilmiş qulağı cərrahlar yenidən yerinə tikə bilirlər. Baş verənlər “Rafiq Masallinski”də intiqam hissini və nifrəti daha da artırır. O, güc toplamağa və gələcək fəaliyyət strategiyası haqqında düşünməyə başlayır.
“Rafiq Masallinski”nin qisası
2017-ci il yanvarın 9-da Bakı şəhəri gecə güllə atışması ilə silkələndi. Hadisə Ağa Neymətulla küçəsində (Nərimanovi rayonu) yerləşən “Nənəmin Təndiri” kafesinin qarşısında baş verib. Hüquq-mühafizə orqanlarının əməkdaşlarına sonradan məlum olduğu kimi, qarşıdurmanın iştirakçıları cinayətkar qruplaşmanın nümayəndələri Nadir Səlifov və Rafiq Eyvazovdur. Lakin onların heç biri özünü ələ vermir.
Bir neçə ay sonra, yəni aprelin 28-də Sankt-Peterburq şəhərində bir kişi cəsədi aşkar edilir - adam güllə yarasından ölübmüş. Ölən şəxsin 42 yaşlı Cabir Həsənov olduğu məlum olub. Sonradan o da məlum olur ki, Həsənov Səlifovla Eyvazov arasında artan qarşıdurmanın qurbanı olub. O, İstanbulda Rafiqin döyülməsində iştirak edənlərdən biri imiş. Beləliklə bu qarşıdurma uzanır, elə həmin il 2017-də “Rafiq Masallinski”nin adamı Elşən Məmmədov gecə Tbilisi şəhərində Maspindzelo restoranının yaxınlığında güllələnir. Bu “Lotu Quli”nin cavabı idi.
Qarşıdurmanın yeni mərhələsi
Bu hadisədən sonra “Rafiq Masallinski” ilə “Lotu Quli” arasındakı qarşıdurma bir qədər fərqli müstəviyə keçdi. Nadir Səlifovun əleyhdarları qətllər və digər qəddarlıqlar əvəzinə onun tərəfdarlarını öz tərəflərinə çəkməyə başladılar. Ancaq eyni zamanda, “Rafiq Masallinskinin Moskva biznesinə hər cür müdaxilə etməyə çalışdılar. Məsələn, Rusiya paytaxtının bazarlarındakı bütün ticarətçilərə bildirilib ki, onlar himayədarlarını dəyişənə qədər işlərinə hər cür maneələr olacaq.
2019-cu ilin ortalarına qədər 6 nüfuzlu oğru artıq “Lotu Quli”yə müharibə elan etmişdi. “Rafiq Masallinski”dən başqa, Dato Ağcabədinski, Emin Adcıqabulski, Ceyhun Gəncinski, Zaur Naxçıvanski və Albert Rıjiy azərbaycanlı “1 nömrəli mafioz”un yeritdiyi siyasətlə razılaşmadıqlarını bildiriblər.
"Titanların qarşıdurmasının" gec-tez ətrafı qan gölünə çevriləcəyi şübhə doğurmurdu.
Lent.az
