DİA.AZ: - Göyçay rayonu R.Rza küçəsi ev 41 sakini Məmmədyaraov Müşviq Sidqi oğlu DİA.AZ-a şikayət ərizəsi ilə müraciət edib. Yerli məmurların özbaşınalığından narazılıq edən vətəndaş yazır:
"Göyçay Rayon Baytarlıq Xidmətinin rəisi Ağadadaş Hacıyev vəzifə səlahiyyətlərindən sui-istifadə edib öz şəxsi maraqlarına görə qanunsuz və qərəzli olaraq 15 il qanunu fəaliyyət göstərən, 3 ailənin yeganə qazanc yeri olan baytarlıq aptekimizi bağlatdırmışdır. Əsas isə Göyçay rayon Batarlıq Xidmətinin rəisi Ağadadaş Hacıyev qəsdən , qanunsuz olaraq bizə göndəriş vermir ki, Kənd Təsərrüfatı Nazirliyindən sənədimizi alaq. Səbəb isə odur ki, Göyçay rayon ərazisində fəaliyyət göstərən baytarlıq apteklərinin Baytarlıq Xidmətinin rəisi Ağadadaş Hacıyevin inhisarında olmasıdır".
Daha sonra giley edən Göyçay sakininin dia-az.life-a yolladığışikayət məktubunda deyilir: "Göyçay rayonu R.Rza küçəsi ev 51 həyətyanı sahəsində 20 kvadrat metr sahəsi olan baytarlıq aptekimiz düz 15 ildir ki. qanunu sənədlərlə fəaliyyət göstərirdi. Aptekin direktoru Rəfiqə Abdullayeva Kənd Təsərrüfatı İnistitutunun Baytarlıq fakultəsini bitirib ixtisasca baytardır. Özüm isə Göyçay 106 saylı Kollecində süni mayalanma texniki kursunu oxumuşam.Aptekimizdə satılan dərmanlar həm yüksək keyfiyyətli , həm də digər apteklərdən ucuzdur.Keçən il Respublika ərazisində mal-qara arasında yayılmış nodulyar dermatit və psendosarkos xəstəliyinə görə biz xəstə mal-qaranı cəmi 15 manat qiyməti olan dərmanla tam müalicə edirdik ki, buda baytarlıq apteklərini inhisara almış və qanunsuz fəaliyyət göstərən Ağadadaş Hacıyevin qəzəbinə səbəb oldu deyə 2015-ci il üçün Kənd Təsərrüfatı Nazirliyindən sənəd almağımız üçün bizə göndərişi qanunsuz olaraq verməyib fəaliyyətimizi qərəzli olaraq dayandırdı. Qeyd edim ki, Ağadadaş Hacıyevə məxsus Göyçay rayon ərazisində çoxlu sayda baytarlıq apteki var ki, hamısı tam qanunsuz fəaliyyət göstərir.Ağadadaş Hacıyevin Orxan adlı oğlunun adı Göyçay rayon Baytarlıq Xidməti İdarəsində işçi kimi qeyd edilsə də O, rayon mərkəzində baytarlıq apteki işlədir, ancaq onun baytar ixtisası yoxdur.
Göyçay rayonu Nizami küçəsi ərazisində yerləşən baytarlıq aptekini Nuru adlı qaynı işlədir ki, onun da baytarlıq ixtisası yoxdur.Göyçay rayonunda paltar bazarının yaxınlığındakı aptekidə qanunsuz fəaliyyət göstərir.Ağadadaş Hacıyevin qardaşı Qiyasa məxsus olan Göyçay rayonu R.Rza küçəsi və Kolxoz bazarı ərazisində yerləşən baytarlıq apteklərində də baytarlıq ixtisası olmayan şəxslər işləyir ki, bu ciddi qanun pozuntusudur, saxtakarlıqdır.Qiyas Hacıyevə məxsus Ucar rayonu Müsüslü kəndində yerləşən quşçuluq broylerində antisanitariya, qanunsuzluq baş alıb gedir. Ağadadaş Hacıyevin Rahim adlı qaynına məxsus Göyçay rayonunda qırmızı körpünün yaxınlığındakı ət kombinatında xəstə mal-qara kəsilərək birbaşa satış nöqtələrinə gətirilir və mğhür də bazarda vurulur.Hansı ki, qanuna əsasən mal-qara kəsilərkən elə oradaca labarator analiz edilib, möhür vurulub sonra satış nöqtələrinə paylanmalıdır.Həmin kəsim sexində antisanitariya, mundarçılıq baş alıb gedir.Bütün bunlar Göyçay Rayon Baytarlıq Xidmətinin rəisi Ağadadaş Hacıyein vəzifə səlahiyyətlərindən sui-istifadə edib yaratdığı korrupsiya şəbəkəsinin nəticəsidir. O, Göyçay rayonunda baytarlıq xidmətini tam inhisarına alıb özbaşınalıqla, saxtakarlıqla məşğuldur ki, bu cinayət əməlidir.Korrupsioner Ağadadaş Hacıyevə məxsus Göyçay rayonunun mərkəzində , Qarabaqqal və Çayarxı kəndlərində möhtəşəm villaları , Konyak zavodun yaxınlığında böyük ticarət obyektini , İsmayıllı rayonunda 1000 başdan çox qoyun sürüsü olan fermasını, 100 hektarlarla torpaq sahələrini hamısı çirkli pullarla əldə etmişdir. Bütün bu var-dövlətdən gözü doymayan Ağadadaş Hacıyev qanunsuz və qərəzli olaraq baytarlıq aptekimizi bağlatdırıb 3 ailəni çörəksiz qoymuşdur.
Şikayətimdə göstərdiyim faktlar yerində hərtərəfli yoxlanılmalı və ailə podratı ilə baytarlıq xidmətinin fəaliyyətini iflic etmiş , qanunsuz yollarla var-dövlət əldə etmiş Ağadadaş Hacıyevin barəsində qanunu, ciddi və təsirli tədbirlər görülməlidir.Mən bu cinayət əməlləri barədə artıq Prezidentə, Kənd Təsərrüfatı Nazirinə, Səhiyyə Nazirinə, Dövlət Baytarlıq Nəzarəti Xidməti rəisinə, Korrupsiyaya Qarşı Mübarizə İdarəsinin rəisinə, Respublika Gigiyena və Epedimologiya Mərkəzinə şikayət ərizələri ilə müraciət etmişəm. Xahiş etmişəm ki, obyektiv araşdırıb bu korrupsioner məmur barəsində qanunu tədbirlər görsünlər. Əlimdə kifayət qədər subutlarım var, yoxlama zamanı təqdim edəcəyəm.Bu saxtakar Ağadadaş Hacıyevin qanunsuz fəaliyyəti insanları və mal-qaranın sağlamlığına ciddi təhlükədir.
